گه‌لی قه‌ندیل له كوێستانه‌كان ڕه‌شماڵیان هه‌ڵدا
به هاتنی وه‌رزی به‌هار، گه‌لی قه‌ندیل ڕوو له كوێستانه‌كان ده‌كات. دانیشتوانی هه‌رێمه‌كه به‌شێوه‌ی كۆمیناڵ له كوێستانه‌كان ده‌ژین.
دانیشتوانی قه‌ندیل به هاتنی وه‌رزی به‌هار ڕه‌شماڵ و چادره‌كانیان له كوێستانه‌كان هه‌ڵدا. سه‌ره‌ڕای بۆردومانی فڕۆكه‌جه‌نگییه‌كانی ده‌وڵه‌تی توركیا، گه‌لی قه‌ندیل ئه‌مساڵیش ڕووی له كوێستانه‌كان كرد و خاوه‌نداری له واری خۆی ده‌كه‌ن. هاوڵاتیان كه به‌هۆكاری ئابووری و به‌مه‌به‌ستی كاركردن له وه‌رزی زستان ده‌چنه شاره‌كانی ڕانیه، سلێمانی و كه‌ركووك، له‌گه‌ڵ هاتنی وه‌رزی به‌هار ڕوو له چیای قه‌ندیل ده‌كه‌نه‌وه. ئه‌وان ده‌ڵێن، فێری ژیانی شار نابین و به‌شێوه‌یه‌كی كۆمیناڵ له كوێستانه‌كان ده‌ژین.
ده‌نگی سترانه‌كانی به‌رخۆدان له ڕه‌شمه‌ڵاكان دێت
له كوێستانه‌كان ئه‌رك و به‌رپرسیاره‌تیی ژنان زێده‌یه، له به‌ره‌به‌یاندا له‌خه‌و هه‌ڵده‌ستن، پێكه‌وه مه‌ڕ و بزنه‌كان ده‌دۆشن و ده‌یانله‌وه‌ڕێنن. له‌نێو ڕۆژیشدا كاری ڕۆژانه ده‌كه‌ن و به به‌رهه‌مه‌كانی شیر و ماست، بژێوی خۆیان دابین ده‌كه‌ن.
دانی ئێواره‌ش ژنان له ده‌وری یه‌كتر كۆده‌بنه‌وه و پێكه‌وه گفتوگۆ ده‌كه‌ن. باسی زه‌خت و زۆرداری سه‌ر كوردان ده‌كه‌ن. ده‌نگی سترانه‌كانی به‌رخۆدان له ڕه‌شماڵ و چادره‌كان دێت.
s.m
