شاره‌وانی چه‌ولیكی ئاكه‌په‌یی له هه‌ندێك گوندی سه‌ر به ناوه‌ندی شاره‌كه له ساڵی ٢٠١٣ به بانگه‌شه‌ی "به‌رهه‌مهێنانی وزه‌ی دۆستی ژینگه" پڕۆژه‌یه‌كی خسته‌بواری جێبه‌جێ كردنه‌وه. به‌ڵام پڕۆژه‌كه هۆكاری نه‌خۆشی و هه‌ڕه‌شه‌یه بۆ سه‌ر ژینگه.
له ساڵی ٢٠١٩دا له ناوه‌ڕاستی گونده‌كانی هه‌راگۆر، هاڤسه‌ل، كارداشله‌ر و قه‌نته‌ر به دروشمی "به‌رهه‌مهێنانی وزه‌ی دۆستی ژینگه" پڕۆژه‌ی ناوه‌ندی خۆڵ و خاشاك جێبه‌جێكرا.
سه‌ره‌تا بۆ ٩ ساڵ به‌كارهێنانی ناوه‌نده‌كه درایه كۆمپانیای وزه‌ی ئی تی جه- كا. راگه‌یه‌نرا كه ئه‌مجاره بۆ ٢٩ ساڵ ده‌درێته‌وه هه‌مان كۆمپانیا.
له‌به‌ر ئه‌وه‌ی شوێنی خۆڵ و خاشاكه‌كه له نزیك گونده‌كاته، ده‌بێته هۆكاری كێشه‌ی ته‌ندروستی.
گوندنیشینان له به‌رامبه‌ر ناوه‌نده‌كانی كۆكردنه‌وه‌ی خۆڵ و خاشاك ده‌ستیان به كه‌مپینی كۆكردنه‌وه‌ی واژۆكردووه و رایانگه‌یاند، له گونده‌كانی نزیك گۆڕه‌پانی خۆڵ و خاشاك نه‌خۆشی هه‌وكردنی خوێن تۆمار كراوه.
پزیشكان ده‌ڵێن هۆكاری ئه‌و ه‌خۆشیه پیسبوونی ناوچه‌كه‌یه. خۆڵ و خاشاكه‌كه هه‌وه‌ها زیان به میوه و به‌روبوومی كشتوكاڵی ناوچه‌كه ده‌گه‌یه‌نێت.
گوندنشینان رایانگه‌یاند، كه خۆڵ و خاشاك ٤٠٠ مه‌تر له گوندی كارداشله‌ر و ناوه‌ند و ناوچه‌كانی چه‌ولیك دووره، هه‌روه‌ها ناوچه‌ی ده‌پێی خارپێت و ناوچه‌ی لجێی ئامه‌دیش خۆڵ و خاشاك ده‌به‌نه ئه‌و زبڵدانه.
١٠ هه‌زار واژۆ
كه‌مپینی واژۆی گوندنشینان رووبه‌ڕووی ئاسته‌نگی كارمه‌ندانی شاره‌وانی بووه‌ته‌وه. گوندنشینان باسیان له‌وه‌كرد كه ئامانجیان كۆكردنه‌وه‌ی ٢٠ هه‌زار واژۆیه و تائێستا ١٠ هه‌زار واژۆیان كۆكردووه‌ته‌وه.
هـ . ب
