هەڵۆ شێرکۆ بێکەس شیعرێکی بۆ شەهید ڕێزان جاوید بڵاوکردەوە

هەڵۆ شێرکۆ بێکەس شیعرێکی بۆ شەهید ڕێزان جاوید بڵاوکردەوە، کە لە ٦ی ئابی ٢٠٢٢دا لەلایەن فڕۆکە بێفڕۆکەوانەکانی دەوڵەتی تورکی داگیرکەر و بە هاوکاریی رژێمی ئێران لە گەڕەکی سەناعەى شاری قامیشلۆ کرایە ئامانج و شەهید کرا.

هەڵۆ شێرکۆ بێکەس شیعرێکی بۆ شەهید ڕێزان جاوید بڵاوکردەوە، کە لە ٦ی ئابی ٢٠٢٢دا لەلایەن فڕۆکە بێفڕۆکەوانەکانی دەوڵەتی تورکی داگیرکەر و بە هاوکاریی رژێمی ئێران لە گەڕەکی سەناعەى شاری قامیشلۆ کرایە ئامانج و شەهید کرا.

دەقی شیعرەکەى هەڵۆ شێرکۆ بێکەس بۆ شەهید ڕێزان جاوید

ڕێزان جاوید!

ئەسپە سپییەكەت بئاژوو وەك ئەوەی هەورێ بئاژووی

تۆ سوارێكی ئەرخەوانیت و ئەسپەكەت زادەی بەفرێكی بەخوێن سوورە!

ڕووبكەیتە هەر ئاقار و زەمانێ لە چۆمی ورمێ وە تا شەقامەكانی قامیشلۆ،

هەموو دڵێكت هەر لەگەڵە، تەماشا لە ئاو پاكتری،

نیگات لە كارێز ڕوونترە،

تەماشای دایە فاتمەی میهرەبانی ئەگریجە سپی وەكو بەفری

قەندیل و مێژوویەكی بەسام، چوون شێرە ژنێ لای بێشەیەكی غەمگینەوە دانیشتووە،

هەر وەكو خۆی فرمێسكی سەر پەڕەی گوڵ و گەڵا ئەسڕێ و چاوێكی هەر لێتە!

پەڕەسێلكەی تەماشای دێت و دێت بە هێواشی

لەسەر یاڵی ئەسپی سپیت هەڵئەكورمێ و لە ڕۆحی هەموومانەوە ئاوێزانتە!

تۆ لە موكریانەوە هاتوویت و لەجیاتی

ئێمە لە كانی سپی وەكوو

گوڵی پەموو هەڵوەریت و وەكوو پوشووی دەشتی حەسكە گڕ

گرتیتی؟! چەندە بروسكە لێی دایت و هەر نەمردیت

چەند وەرز و تەقویمی ئەم زەمانە ناچیزەیەت تەواو كرد و

هەر نەمردیت...دەوران دەوی شەقژنی ئەم خولی نەخشە

ئەنجن ئەنجنەت كرد و هەر مایت!

 تۆ نامریت چونكە ئازایەتیتان بووە بە گوڵە سەمەلی

ناو داستانەكان، خۆڕاگریتان بووە بە هزری بیرنەچوونەوەی

هەموو قەسیدەكانی شاخ...دەبێ ئەم سەفەرەت تێكەڵی

نیشتمان بكەم و پرێس كۆنفرانسی مەرگێكی پیرۆزتان بۆ

ڕێكبخەم لەگەڵ ئەبو لەیلایی هەمووان!

ئەوە ئێمە نین كە ئەڵێین بیرناچنەوە

ئەوە مەهاباد و كۆبانێ و دیاربەكر و كەركووكە وا ئەڵێن!

ئەسپە سپییەكەت پێشەنگی كاروانە و هەر ئەگاتە تەنگەی دەربەند و هەقی تووڕەی خاكێكە ئەحیلێنێ و بە ناو خەون و خەیاڵی هەموواندا ڕێ ئەكات و

هەورە بروسكە و ڕەهێڵەیەكی هیلاكە و

ئارەقەی كۆڵنەدانێك دەرئەدات و لە تەوێڵیدا گڕێگ بۆ

هەمیشە ڕواوە و هەر ئەسووتێ! بۆیە نامریت هاوڕێ!

ژ.ت