ئاگری: ۲ سەربازێ تورکیای کوشیێ و ۳ تەریچ بریندارێ بیێ

جە بایەزیدو ئاگری جە میانو گەریلاکا هەپەگەی و سەربازا ئەرتەشو تورکیای جەنگ ڕووەش دێنە، جە ئاکامشەنە ۲ سەربازێ کوشیێنێ و ۳ تەریچ بریندارێ بینێ.

بە پا زانیاری مەدیاکا تورکیای، دما نیمەڕۆ هەینی ۋیەردەی، جە ناوچەو بایەزیدی، کە سەر بە پارێزگا ئاگری سەرنیشتو کوردستانیەن، جە میانو گەریلاکا هەپەگەی و  سەربازا ئەرتەشە داگیرکەرەکەو تورکیەنە جەنگی سەخت ڕووەش دێنە.

مەدیاکا تورکیای ئاماژەشا بە کوشێای ۲ سەربازا و برینداربییەی ۳ سەربازا تەری دان. سەرچەمە هەرێمییەکی جە بایەزیدۋە قۆمیای جەنگەکێشا پەشتڕاس کەردەنەۋە و ئاشکراشا کەردەن: ژمارێۋی فرێ ماشینێ فریاگوزاریێ لۋێنێ یاگێ جەنگەکەی و کوشیێ و بریندراێ ئەرتەشو تورکیاشا فاڕێنێ پەی نەوەشخانەکا ئاگری.

تا ئیستە هێزەکێ پارێزناى گەلی-(هەپەگە)،جە بارەو جەنگەکەی هیچ ۋەڵاکریێۋی فەرمیش نەبیەن.‌