جە تەوێلێ ڕێز جە (یونس میرزا)ی گۆرانۍواچی گیریا

جە شارو تەوێڵێ، ڕاوەبەری ڕۆشنویری پارێزگاو هەڵەبجەی ڕێزش جە (یونس میرزا)ی گۆرانۍواچی گێرت.

ئارۆ ٣ شەممە، جە شاو تەوێڵێ سەر بە هەرێمو هەورامانی، ڕاوەبەری ڕۆشنویری و هونەرو پارێزگاو هەڵەبجەی، پەی ڕێزگێرتەی و بەخشای خەڵاتی بە (یونس میرزا)ی هونەرمەند و گۆرانۍواچی دەنگ وەش و نامیی هەورامانی و پارێزگاو هەڵەبجەی، مەراسیمێوی شایستەی جەماوەریش ڕێکوست.
جە مەراسیمەکەنە، سەرەڕاو وتارو ڕاوەبەری ڕۆشنویری و هونەرو پارێزگاو هەڵەبجەی، چەنڎین وتارێ لایەنەکان و ڕێکوزیاکانو هەرێمەکەی پێشکەشێ کریێ و جە میانشانە؛ ستایشو هەرمانە هونەریەکانو نامبریای کریا و سوپاسگوزاریش پێشکەش کریا.
هەر جە مەراسیمەکەنە، ڕاوەبەری ڕۆشنویری و هونەرو پارێزگاو هەڵەبجەی و چەنڎین ڕێکوزیێ و لایەنێ تەرێ، خەڵاتێ ڕێزگێرتەیشان بە (یونس میرزا)ی هونەرمەند و گۆرانۍواچی بەخشێ.

 (یونس میرزا) گۆرانۍواچ، هەر جە نەوجەوانیەوە ئومانەنە بوارو هونەری و گۆرانۍواتەی و بە گردی دەیان ساڵێن بە دەنگە ڕەسەن و ئەفسانەیەکەیش خزمەت بە هونەرو گۆرانیێ هۆرامانی بە تایبەتی سیاچەمانەی مەکەرۆنە و جە ئا بوارەنە دەیان گۆرانیێ بە کاسێت و چەنڎین گۆرانیێ تەریێش بە ڤیدیۆ و کلیپ تۆمارێ کەردێنێ.