جە سەرنیشت(باکور) و پانیشت(باشوور)و کوردستانی۱۰ سەربازێ کوشیێ
هەپەگە ئاشکراش کەرد: "جە بارازان ٤ سەربازێ و جە سێرت ٦سەربازێ سپا داگیرکەرەکەو تورکیای کوشیێنێ و ٤ بلدۆزەرێ و چنڎین باربەرێ سەربازیێ دلێنە بریێنێ".
دلێگەو یاۋنەری و چاپەمەنی هەپەگە-ی بە ۋەڵاکریێۋ زانیاریش دەربارەو چالاکی گەریلاگاشا دان و ئاشکراش کەردەن:
۸ تەموزی سەعات ۱٥:۳۰ دەیەقێ دمانیمەڕۆی، جە میانو مەرگێزەر-شیتازان-و ناوچەو گەڤەر-و پارێزگەو جولەمێرگی، گەریلا چالاکیش دژ بە ڕاسازا سپاو تورکیای ئەنجام دان. جە چالاکیەکەنە ٤ بلدۆزەرێ و چنڎین ماشینێ باربەرێ گەۆرێ بە تەمامی دلێنە بریێنێ.
هەمان ڕۆچ بەڵام سەعات ۱۹:٤٥ دەیەقێ ۋێرەگای، گەریلا جە بەرزایی خودێ-و دەڤەرو بارزان-ی چالاکیشا ئەنجام دان و جە ئاکامشەنە ٤سەربازێ داگیرکەرێ کوشیێنێ.
۷ حوزەیرانی سەعات ۱۷:۰۰ ۋێرەگای، جە دەوروبەرو شارچەو بەرواری پارێزگەو سێرت-ی، گەریلا چالاکیش دژو بنکێۋی سەربازی ئەنجام دان و چاگێچە ٦ سەربازێ کوشیێنێ.
