دلێگەو یاۋنەری و چاپەمەنی یەکینەکا پارێزنای گەلی-یەپەگە، جە ۋەڵاکریێۋەنە ئاشکراش کەرد: " جە ۱۸ ئاداری ۋیەردەی، جە دەگاو برج حەیدەر-و سەر بە ناوچەو شێراۋای جە کانتۆنە داگیرکریاکەو عەفرینی، شەڕڤانەکێشا و سپا و چەتەکێ تورکیا گژیێنێ و جەنگی قورس ڕووەش دێنە. جە ئاکامەنە ژمارێۋی فرێ سەربازێ و چەتێ دوژمنی کوشیێنێ و بریندارێ بینێ. هاموەخت ژەنە شەڕڤانێۋە سەر بە هێزەکا پارێزنا ژەنا-یەپەژەی دمای جەنگی و مدرامانی قارەمانانەی شەهیدە بیێنە".

یەپەگە زانیاری زیاتەرش چا بارەۋە دان و ئاشکراش کەردەن: "شەڕڤانەکێ یەپەژەی نامێش بوشرا تۆفیق، ئەشناسیێ بە کانی دەنیزە بیێنە و خەڵکو دەگاو ئێڵانپێ سەر بە هەرێو هۆرامانی بیێنە، ئاڎە جە ۲۰۱٤نە پەیۋەستە بیێنە بە ڕیزەکا جمیەری ئازادی و دماتەرپەی کار و خەباتی لۋێنە ڕۆژئاڤا و دما جار جە شێراۋا شەهیدە بیێنە".

یەپەگە، شناسنامەی سەربازی و مەدەنی شەڕڤانەکێش پەی جۆرە ئاشکرا کەردەن:

نامێ/ بوشرا تۆفیق
ئەشناسیێ بە / کانی دەنیز
نامێ تاتەی /  تۆفیق
نامێ ئەڎێ / فەهیمە
بەشداربیەی / ۲۰۱٤
شەهیدبیەی / ۱۸ ئاداری - شێراۋا - عەفرین