جە مارع ٣ چەتێ تورکیای کوشیێ

فەرماندەیی هێزەکێ ڕزگاری عەفرینی ئاشکراش کەرد: جە مارع شەڕڤانەکێشان چالاکیشان ئەنجام دان و جە ئاکامشەنە ۳ چەتێ تورکیای کوشیێنێ.

فەرماندەیی هێزەکێ ڕزگاری عەفرینی جە ۋەڵاکریێۋی لەشکریەنە ئاشکراش کەرد: "جە ۱۰و ئایاری، جە دەگاو سەید عەلی سەر بە شارچەو مارع-ی، شەڕڤانەکێشان دژ بە تاقمە چەتەکانو جەبهەت ئەلشامییەی چالاکیشان ئەنجام دان. جە ئاکامو چالاکییەکەیەنە ۳ چەتێ تورکیای کوشیێنێ و ۲ تەرێ بریندارێ بیێنێ.

فەرماندەیی هێزەکێ ڕزگاری عەفرینی چەندین جارێ وریاییش دان بە سپا ئەرەگێرەرەکەو تورکیای و تاقمە چەتە بەکرێگیریاکانش تا جە (عەفرین، باب، جەرابولس و مارع) بکێشاۋە، ئەگینا بە بەردەۋامی مەبانە ئامانج و دەرەنجام بە زۆر ناچارێ ئەۋەکێشیای مەکریانە.
جە دمای ئەرەگێرتەو عەفرینی جەلاو تورکیا و تاقمە چەتەکانشەۋە، هێزەکێ ڕزگاری عەفرینی و هێزەکێ توڕەیی عەفرینی، بە بەردەۋامی چالاکیێ دژ بە دوژمنی ئەنجام مڎانە و جە ئاکامشانە سەدان سەربازێ و چەتێ تورکیای کوشیێنێ و سەدانی تەرێ بریندارێ بیێنێ.