هەر پێسەو شارێ و ناوچێ و دەگایەکێ تەرێ هەورامانی، جە شارو پاوە-ی و دەگایەکێ دەوروبەریشەنە،جە ماوەزاکانە وەزرو وەزتەکنای دەستش پنەکەرد.
پاوە شار نزیک بە ١٥٠٠ (هەزار و پەنسەد) هکتارێ باغێ وەزی-ش هەنێ و سەرەڕاو یاردی نەدای دەسەڵاتی و دابینکەردەی نەکەردەی پنەوازیە هیتیاریەکان، ئێساڵ چەمەڕایی هەن ماوەزاکێ شارەکە و دەوروبەریش، نزیک بە ١٥٠٠ (هەزار و پەنسەد) تەنێ وەزی بەرهەم باوەرانێ.
شارستانو پاوە-ی جە پارێزگاو کرماشان-یەنە پەی بەرهەم ئاوردەی وەزێ پلەی یەکەمش هەن و وەزیش فرە خاسێنێ.

هیتیارێ و باغدارێ پاوە-ی گلیەیێشان جە هەرمانگەو کشاوەزری پاوەی و ئوستانو کرماشانی هەن، کە پنەوازیەکێشان پە پەرەدای بە ماوەزاکان و زیاتەر بەرهەم ئاوردەی وەزێ،پەی دابین نمەکەرانێ و مەواچانێ، ئەگەر دەسەڵات و لایەنە پەیوەندیدارەکێ ئێرای ئا پنەوازیێشانە پەی دابینێ بکەرانێ، هەم ڕووبەروو ماوەزاکان فراوانتەر مەکەرانێ هەمیچ ئاستو بەرهەم ئاوەردەی وەزێ مەبەرانێ سەر و چەندین قاتێش مەکەرانێوە.