جە هەلەبجە یادو سی ساڵەو کیمیاوارانو شارەکەی لواڕاوە

بەبۆنەو یادو سی ساڵەو تاوانو کیمیاوارانو هەڵەبجەی، چن چالاکییەوە لوێ ڕاوە. دەمژمار دەو وەڵێ نیمەڕۆی جە ساحەو نێودەوڵەتی هەڵەبجە مەڕاسیمێوە حکومی بەبەشداری نوێنەرو حکومەتو هەرێم و حکومەتو عێراقی و کونسوڵ چن وڵاتێوە و وەرپەرسە ئیداری و حزبیەکێ چەنی کەسوکار


 

جیهاد هەورامی

دەمژمار دەو وەڵێ نیمەڕۆی جە ساحەو نێودەوڵەتی هەڵەبجەی مەڕاسیمێوە حکومی بەبەشداری نوێنەرو حکومەتو هەرێم و حکومەتو عێراقی و کونسوڵ چن وڵاتێوە و وەرپەرسە ئیداری و حزبیێ و  کەسوکارو شەهیدا لوا ڕاوە.

 

ئارۆ بەبۆنەو یادو سی ساڵەو تاوانو کیمیاوارانو هەڵەبجەی، چن مەراسیمێ و چالاکییەوە لوێ ڕاوە.

چە مەڕاسمێوەنە، کە جەهۆڵ وەزرشی سەرگیریا هەڵبەجەی لواڕاوە، وتارو حکومەتو هەرێم و حکومەتو عێراقی ونیێوە و تاوانەکەشا شەرمەزار کەرد و بە تاوانێ جینۆساید هەژمارشا کەرد، جەوەراموەرو ئی وتارا هۆشمەند موراد نوێنەرو کەسوکارو شەهیداو هەڵەبجەی وتارێوە ڕەخنەئامێزش ئاڕاستەو هەر دوە دەسەڵاتەکەی کەرد. هۆشمەند واتش: حکومەتو هەرێمی ماوە سی ساڵێ وەعدو درۆینەما پەنە ماچۆ و جێبەجێشا مەکەرۆ، تا ئیسە برینداراو چەکو کیمیایی ناڵنا دەسو زامەکاشاوە و جە ساڵێوەنە چن بریندارێ شەهیدێ با و کەس نیا چارەسەرشا کەرۆ.

هۆشمەند باسش چانەیە کەرد: هەرچن ڕژێمو بەعسی وڕیا و ئومێدما بە حکومەتو تازەو عێراقی بێ، وەلێ ئی حکومەتەیچە هەمان پلان و هەڵوێستش وەراموەرو ئێمەی هەڵەبجەیی و کوردیۆ هەن، وەرپەرسەکاو حکومەتو هەرێمیچ جە ماوەو ئی چن ساڵەیە نەتاوانشا هەڵەبجەی ئاوەدان کەراوە و کارێشا کەردەن حاڵو کوردیشا گێڵنانۆ بە دەیان ساڵێ چێوەڵتەر و شکۆ نیشتیمان و خاک و پێشمەرگەشا ماڕا. دماتەر تاجە گوڵینەو ئامادەبیاو مەڕاسیمەکەی سەرو مەزارو شەهیدانو هەڵەبجەی نریارە.