پەیجۆرکارێ سەر بە نەتەوە یۆگێرتەکان سەبارەت بە تاوانەکێ ڕژێمە ئەرەگێرەکەو تورکیا و تاقمە چەتەکانش کە جە وەرئاوا (ڕۆژئاڤا)و کوردستانی ئەنجامێشان دێنێ ڕاپۆرتشان وەڵاوکەردەنەوە. جە ڕاپۆرتەکەنە تورکیا و تاقمە چەتەکێش بە وەرپرسیارێ جە ئەنجامدای تاوانێ جەنگی بەنامێ کریێنێ و جە ئی بارەوە وردەکاریێش وستێنێ ڕووە.

گرنگتەرین بەشێ ڕاپۆرتەکەی:

"چەتەکێ تورکیا تاوانێ قورسێشان ئەنجامێ دێنێ"

جە مانگەو ۱۰و ساڵێ ویەردێ (۲۰۱۹) هێزەکێ تورکیای و تاقمە چەکدارە هەمکارەکێش جە سەرنیشتو سوریای ناوچێوی فراوانشان کۆنترۆڵ کەرد و ئۆپەراسیۆنی سەربازیشان دژ بە هێزە کوردیەکان ئەنجامدا. جە ئۆپەراسیۆنەکەنە دەیان هەزار هاموڵاتیێ کۆچبەرێ بیێ و یانەکێشان بەناچاری چۆڵێ کەردێ. هامکات تاقمە چەکدارەکێ سەر بە تورکیای تاوانێ قورسێ جەنگیشان دژ بە هاموڵاتیە مەدەنیەکان ئەنجامێ دێنێ.

"چەتەکێ دڕندانە هەڤرین خەڵەف-ـەشان کوشتێنە"

جە ١٢-١٠-٢٠١٩ی، سەرۆکەو پارتو ئایندەو سوریای هەڤرین خەڵەف-ـە تەمەن ۳٥ ساڵانە و شۆفێرەکەش جەلا چەکدارەک کەتیبەو 123ی سەر بە بەنام سوپاو نیشتمانی سوریایەوە دەستگیر کریێنێ و بە شێوازیوی دڕندانە ئەنشکەنجە کرێنێ و دماتەر گولـلەوارانێ کریێنی و ئاسەوارێ ئەشکەنجەکەی بە جەستەشانەوە دیار بییەن.

"مشیۆم تورکیا وەرپرسیاری قبوڵ بکەرۆن و ئەنجامدای تاوانی جە ئەستۆ بگێرۆن"

تاقمە چەکدارەکێ سەر بە تورکیا تاوانێ جەنگیشیان دژ بە کوردی ئەنجامێ دێنێ و سەرەڕاو کوشت و بڕی، دەستشان دان تاڵانی. هەمان ڕۆچ کە هەڤرین خەڵەف-ـە و شۆفێرەکەش دڕندانە کوشیێنێ، باڵپڕە جەنگیەکێ تورکیا کاروانێوی مەدەنیشان کەردەن ئامانج و جە ئاکامشەنە 11 کەسێ گیانشان جەدەستدان و 74 کەسێ تەرێ بریندارێ بیێنێ.
بە پاو بەڵگەکان و قسێ چەتەکان، جە جەنگ و ئۆپەراسیۆنەکەنە کە دژ بە کوردی ئەنجام دریان، تورکیا بە ڕەهایی پاڵپەشتی چەتەکانش کەردەن. پۆکەی مشیۆم تورکیا وەرپرسیاری قبوڵ بکەرۆن و ئەنجامدای تاوانی جە ئەستۆ بگێرۆن.