۵ شەمەی ۋیەردە جە بەریتانیا هۆرۋچنای گردیی ئەنجام دریا و جە ئاکامشەنە پارتی دەسەڵاتدار (پارێزگاران) سەرکەوت و پارتی  ئۆپۆزسیۆن (کارکەران) ڕووبەڕوو شکستی بییەۋە.
جە هۆرۋچنایەکەنە چەنڎین کاندیداتۆرێ کوردێ بەشدارێ بێنێ، بەڵام تەنیا ۲شان سەرکەوتەیشان مسۆگەر کەرد.

جە پارتی ئۆپۆزسیۆنی (کارکەران) فریال کلارک دەمیرجی کە کناچە کوردێۋە عەلەویەنە جە بازنەو (Anfield)ی ۋێش کاندیدا کەردەبێ و بە مۆسگەرکەردەی زیاتەر جە ۲۳ هەزارێ و ۳٤۰ دەنگی تاواش ببۆنە بە پارلەمانتارە.

فەریالە بە رەچەڵەک خەڵکو ناوچەو کورەجیک-ی سەر بە شارو مەلەتی سەرنیش (باکور) کوردستان-یەنە و کەسێۋە چالاکەی سیاسییەن و دمایین پۆستی حکومیش یاگەگیرو سەرۆک شارەوانی ناوچەو (Hackney) بیێە.

هەرپاسە نەدیم زەهاوی سەر بە پارتی دەسەڵاتدار (پارێزگاران) جە بازنەو شارو (Stratford on Avon)ینە وێش کاندایتاتۆر کەردەبێ سەرکەوتەی بەدەست ۋستەن و بە ۳۳ هەزارێ و ۳٤۳ دەنگی بییەن بە پارلەمانتار.

یاگێ ئاماژەیەنە ئەنجامەکێ پارتە سەرکەوتەکێ هۆرۋچناکەو بەریتانیا بەی تەورەنە:

پارتو پارێزگارانی بە سەرکردایەتی (بۆریس جۆنسن) ۳٦۸ کورسیێ 
- پارتو کارکەرانی بە سەرکردایەتی(جێرمی کۆربین) ۱۹۹ کورسیێ 
- پارتو نیشتمانی سکۆتلەندی ٥٥ کورسیێ 
- پارتو لیبراڵ دیموکراتیک ۱۳ کورسیێ 
- پارتو سەوز ۱ کورسی 
- پارتەکێ تەرێ  ۲۲ کورسیێ
- پارتو برێکزتی ۰ کورسی