ڕوەکێ هەفتەی و نامێشان جە ئایینی (یارسان)ییەنە
جە ڕۆچ ژمارو ئایینی (یارسان)ییەنە ڕوەکێ هەفتەی نامێ و ئەرکێ تایبەتێ ئاسینیێشان هەنێ و پەیوەستێنێ بە (هەفت تەن)ی کە هاوەڵێ و هامکارێ و فریشتێ مەولا-یەنێ و پەی هەر ڕوێوی یۆشان ئەرکدار کریان.
جە ڕۆچ ژمارو ئایینی (یارسان)ییەنە ڕوەکێ هەفتەی نامێ و ئەرکێ تایبەتێ ئاسینیێشان هەنێ و پەیوەستێنێ بە (هەفت تەن)ی کە هاوەڵێ و هامکارێ و فریشتێ مەولا-یەنێ و پەی هەر ڕوێوی یۆشان ئەرکدار کریان.
جە ڕۆچ ژمارو ئایینی (کاکەیی - یارسان)ییەنە پەی هەر ڕوێوی کەسایەتیێوی ئایینی دەسنیشان کریان و هەر ڕوێو کریان بە نامێ یۆشانەوە. جە ئایینی یاری-یەنە ئا کەسایەتیێ بە (هەفت تەن) نامێ بریانێ کە هاوەڵێ و هامکارێ و فریشتێ مەولا-یەنێ و پەی هەر ڕوێوی یۆشان ئەرکدار کریان و کاروباری فرە وزیان ئەستۆشان.
من جەی دما هەوڵ بڎۆنە بە زنجیرە وتارێ باس جە ئا ئەرک و هەرمانا بکەرونە کە وزیێنێ ئەستۆو هەفت تەن یان ٧ فریشتەکەی.
شەممە/ خاتون رەمزبار
شەممە بێ کتاو حساو مەوانیم
پێ روژ حەساو مەرکب مەڕانیم
یەک شەممە/ داودی کەوسوار
یەک شەممە نه قرص شمال شەڕەن
چەرخەچی جهان تەیر تیژ پەڕەن
دووە شەممە / پیر بنیامین
دوو شەممە ئەمین نه پیر شەرتەن
خەڵات یاران نەجام زەردەن
یەرە شەممە / پیر موسی قەڵەم زەڕین
سێ شەممە دەفتەر قەڵەم نگارەن
حساو جام رێز پەڕە تۆمارەن
چوار شەممە / مستەفا داودان
چوار شەممە پرشه بلاچه پێشڕەو
غەمینان خەلاس خائین گیر غەزەو
پەنج شەممە/ شای ساحێب کەرەم
پەنج شەممە شەمعەن پایه چل چراغ
چل ستون زەڕ زەڕ ستون بەیداغ
جەمە یان هەینی/ بابا یادگار
جمعه جەم ئارای قاصد فەرمانەن
پەرده دەر سەر دو کۆی خەرمانەن
نامق هەورامی