کۆڵبەرێوی جوانڕۆیی سیروان-نەنە خنیکیا

کۆڵبەرێوی جوانڕۆیی بە نامێ ئایەت یوسفی تەمەن ٢٠ ساڵێ ئاوەو سیروان-یەنە خنیکیا و تەرمەکەش بەرئاوریاوە و ڕەوانەو پزیشکی قانونی پاوەی کریا.

دوە شەممەی ویەردە، جە نزیک پەردەو زلتەی سەر بە شارو پاوەی، کۆڵبەرێوی جوانڕۆیی بە نامێ ئایەت یوسفی تەمەن ٢٠ ساڵێ ئاوەو ڕڤار (ڕودخانە)و سیروان-یەنە خنیکیان.
جە ئی بارەوە سەرچەمە هەرێمیەکێ بە ئاژانسو هواڵو فوڕات) (ANF)یشان واتەن: "ئایەت یوسفی خەڵکو دەگاو زمکان-ی سەر بەشارو جوانڕۆیەن و پیشەش کۆڵبەری بییەن و دمای ئانەیە جە ناوچەکەنە سەرقاڵو کۆڵبەری بییەن، هێزە ئەمنیەکێ ئێرانی گەرەکشان بییەن دەستگیرش بکەرانێ و ئاڎیچ بە ناچاری ڕووەش نیێنە ڕڤارو سیروانی و چونکە مەلەوانیش نەزانان خنیکیان".

هەمان سەرچەمێ  ئاشکراشان کەردەن: "دمابەدمای خنیکیاش تیمێ فریاگوزاری پاوەی لوێنێ ناوچەکە و  تەمرو نامبریاشان بەرئاوردەوە و بەردەنشان پزیشکی قانونی پاوەی".