کەمپین پەی بایكوت-کەردەی توركیای #BoykotTürkiye# ڕێکۋزیا

جە پانیشت (باشور)و کوردستانی کەمپین پەی بایكوت-کەردەی توركیای ڕێکۋزیا و داۋا کریا کەس سەردای تورکیای نەکەرۆنە و کاڵای تورکی نەسانۆنە.

دمابەدامی ئانەیە جە ترابزۆن سەر بە تورکیای تورکە نەژادپەرەستە دژە کوردەکێ هێرششان کەرد سەرو ژمارێۋ گەشتیارێ پانیشت (باشور)و کوردستانی و سوکایەتیی فرەشان بەوێشان  و ئاڵاکێشان کەرد و ڕژێمو تورکیای جە دمای سوکایەتیکەردەی و زیندانیکەردەیشان گەشتیارەکێش سنوربەدەرێ کەردەبێنێ، جە باشور ناڕەزایەتی جەماوەریش شۆنیەرە ئوما و جە پەرچەکەردارێۋەنە کەمپین پەی بایكوت-کەردەی توركیای ڕێکۋزیا.

کەمپینەکەی بەنامێ (#ناچین_بۆ_تورکیا-#نمەشمێ_تورکیا-StopVisitingTurkey-#BoykotTürkiye#) جەلاو ژمارێۋ جە ڕۆچنامەۋانێ، چالاکۋانێ و هاموڵاتیێ باشوریەۋە ڕێکۋزیان.
ڕێکۋزیەرێ کەمپینەکەی داۋاشان کەردێنە: "پێسەو سەرەتایێ پەی یۆگێرتەی و یەکدەنگی کوردی دژ بە تورکیای، پەناۋازەن کەس پەی گەشتوگێلی سەردای تورکیای نەکەرۆنە و کاڵای تورکی نەسانۆنە".

كەمپەینەكە جە تۆڕە كۆمەڵایەتییەكانە بە هاشتاگێ چوون: #ناچین_بۆ_تورکیا #StopVisitingTurkey #BoykotTürkiye پەرەش پنەدریان و بە شێۋازێۋی فراۋان پێشوازیش چنە کریان.