یونامی: جە وێنیشاندایەکێ ئێراق-یەنە ٤٢٤ کەسێ کوشیێنێ
زیاتر جە دووێ مانگێن ناڕەزایەتی و وێنیشاندایێ جەماۋەریێ جە ئێراق-ـەنە بەردەۋامێنێ و نەتەوە یۆگێرتەکێ (یونامی) ئاشکراش کەرد جە میانشانە ٤٢٤ کەسێ کوشیێنێ و ۷٥۸ کەسێچ بریندارێ بیێنێ.
جە ئێراق زیاتر دووێ مانگێن ناڕەزایەتی و وێنیشاندایێ جەماۋەریێ جە بەغدادی پایتەخ و پارێزگاکێ پانیشتو وڵاتی بەردەۋامێنێ و جەماۋەری ناڕازی ۋازیارەن دمایی بە گەندەڵی و نەبییەی خزمەتگوزاریەکان بەیۆنە و هەر یەرە سەرۆکایەتیەکێ کۆماری، حکومەتی و پارلەمانی دەست جەکار بکێشانەۋە و حکومت و دەسەڵاتێۋی مەردومی یاگێشان بگێرۆنەۋە.
بەڵام بە فەرمانو دەسەڵاتداری ئێراقی هێزە ئەمنیەکێ بە فشار و چەک و کوشتوبڕ ڕووبەڕوو جەماوەری ناڕازی بیێنێۋە و بە ئا هۆکاریچە سەدان کەسێ کوشیێنێ و سەدانی تەرێ بریندارێ بینێ.
جە ئەی بارەۋە کۆمسیۆنو هامکاری ئێراقی (یونامی) سەر بە کۆمیساریاو باڵاو نەتەوە یۆگێرتەکانیجە ڕاپۆرتێۊشەنە ئاشکراش کەردەن: "جە دووێ مانگێ ناڕەزایەتیێ و وێنیشاندایە جەماۋەریەکێ ئێراق-یەنە ٤٢٤ کەسێ کوشیێنێ و ۷٥۸ کەسێچ بریندارێ بیێنێ".
جە ڕاپۆرەتەکەنە دەستنیشان کریان: "جە ٥و مانگەو ١١ی تا ۸و هەمان مانگێ جە ناڕەزایەتیە جەماۋەریەکانو ئێراق-یەنە ١٧٠ کەسێ کوشیێنێ و و ۲ هەزارێ و ٢٦٣ کەسێ تەرێ بریندارێ بیێنێ".
هەڵبەتە چێرو فشارو جەماوەری ناڕازییەنە عادل عەبدولمەهدی سەرەک وەزیرانو ئێراقی دەستش جەکارکێشتەنەۋە، بەڵام دەست جەکارکێشاکەیش دماییش بە ناڕەزایەتییەکان نەئاۋردەن و خەڵکی وێنیشادەر ۋازیارەن پەی دمایی ئاۋردەی بە گەندەڵی و نەبییەی خزمەتگوزاریەکان و پێکئاۋردەی حکومەت و دەسەڵاتی مەردومی هەر یەرە سەرۆکایەتیەکێ کۆماری، پارلەمانی و حکومەتی دەست جەکار بکێشانێۋە.
