ئێشەو دوە شەممە، جە شارو سلێمانیێ (باقی حاجی حەسەن)ی ڕۆشنویر، ئەدەبدۆست، هونەردۆست، خێرۆمەند، بازرگان و کەسایەتی نامی هەورامانی و سلێمانیێ کۆچی دماییش کەرد.
(باقی حاجی حەسەن)ی خەڵکو شارو تەوێڵۍ بێ و سەردەمانێوی فرە بێ جە شارو سلێمانیێ نیشتەجا بییەبێ. کۆچکەردە جە بوارەکێ هونەر، ئەدەب و ڕۆشنویریەنە هەمیشە پەشتیوان و هامکاربییەن و کۆەڵکێوە هێقمه بییەن پەی هەورامانی و هەورامیەکان. هاموەخت کەسێوی خێرۆمەندبییەن و بەبەردەوامی هامکاری داراییش بەخشان بە کەسانێ کە نیزمەندێ بیێنێ و هەر کەسێ کە پنەوازیش بە هامکاری بییەبۆنە دەسش نەنیان ڕوەشەوە و ئانڎە کە پێش لێویا بۆنە مورادش بەجا ئاوردەن. جە ئا چوارچوەنە جیاوازیش میانو خەڵکو  هەورامانی و سلێمانیێ تا بە ئیزیدخانی و شەنگالی بیاوۆنە، نەکەردەن و بەشێوازێوی یەکسان هەمکاری گردلایێش کەردەن.