بومەلەرزە هەورامان و پانیشت و وەرکەوتوو کوردستانیش لەرناوە

بومەلەرزە هەرێمو هەورامانی و پارێزگاکێ هەڵەبجە، سنە، کرماشان، سلێمانییە و کەرکوک-ش لەرنێوە و زیانی ماددیش ونەکەوتەنەوە.

وێرەگاو ئارۆی ٣ شەممە، بومەلەزێوی بەهێز ناوچەکێ هەر دوێ دیمێ هەورامانی و پارێزگاکێ سنە و کرماشان سەر بە وەرکەوتو کوردستانی و هەڵەبجە، سلێمانییە و کەرکوک سەر بە پانیشتو کوردستانیش لەرنێنێوە.
میانگەو بومەلەرزەکەی میانو هەورامانی و مەریوانی و پێنجوێنێ و هێزەکەش بە پیمەرو ڕێختەری ٥.٣ پلێ بییەن و جە ١٠ کیلۆمەتری قوڵایی زەمینیەنە ڕووەش دان.

سەبارەت بە زیانەکێ بومەلەرزەکەی زانیاری ورد و دروست بەدەست نەوزیان. بەڵام زانیارییە سەرەتاییەکێ ئاماژە بە زیانی ماددی مڎانێ و باسشان جە زیانی گیانی نەکەردەن.
بەهۆو بومەلەرزەکەیەوە بەشێ جە زنجیرە کەشکێ هەورامانی جە دیمو پانیشتی وڕانەرە.