بیرۆو حقوقی سەدەی: پنەوازەن بەزوویی دیدار چەنی ئۆجالانی ئەنجام بدریۆن

بیرۆو حقوقی سەدەی سەبارەت بە ئا بانگەشا کە دەربارەو ژیوای ڕێبەر ئۆجالانی مەکریانێ، وازیارەن تا بەزوویی سەردای ئیمرالی بکریۆنە و دیدار چەنی ئۆجالانی ئەنجام بدریۆن و جە ئا چوارچوەنە پارێزەکێش سەردای دۆزگەری تورکیاشان کەرد.

شەوێ ویەردێ ١٤و شوباتی جە دیجیتاڵ میدیانە، سەبارەت بە ژیوای ڕابەر عەبدوڵا ئۆجالانی هەواڵێ وەڵاوێ کریێ بێنێوە کە ئانێچە کورد و ئازادیوازێش نیگەرانێ کەردێنێ.
جەی ئا چواچوەنە بیرۆو حقوقی سەدەی سەبارەت بە ئا بانگەشا کە دەربارەو ژیوای ڕێبەر ئۆجالانی مەکریانێ ئەرەیاونایوێش دان.

جە ئەرەیوناکەشەنە بیرۆکە ئاشکراش کەردەن: جە ٧و ئابو ٢٠١٩ی تا ٢٧و نیسانو ٢٠٢٠ یچ دیدارێ چەنی موەکیلەکەیمان (ئۆجالان)ی ئەنجام نەدریان تەنها یەکجار بە تەلەفۆن کەسوکارەکەیش پەیوەندیشان چەنی ئەنجامدان. ئیتر شۆنیشەرە تا بە تارۆ هیچ دیدارێ و پەیوەندیێوی تەلەفۆنیش چەنی ئەنجام نەدریان و نە ئێ؟ەی پارێزەرێش و نە کەسوکارەکەش دەرفەتشان پنە نەدریانسەردای ئیمرالی بکەرانێ یان لانی کەم هیچ زانیاریێمان سەبارەت بە بارودۆخیش نییەن. شەوێ ویەردێ ١٤و شوباتی جە دیجیتاڵ میدیانە، سەبارەت بە ژیوای ڕابەر عەبدوڵا ئۆجالانی هەواڵێ وەڵاوێ کریێ بێنێوە کە ئێمەش نیگەرانێ کەردێنمێ. بەجددی و کارا هەرمانە سەرو ئا هەواڵا مەکەرمێنە و ونەشان مەکۆڵمێوە کە سەرچەمەکێشان دیارێ نیەنێ. بێگومان بەهۆکارو گۆشەگیری جە ئیمراڵی هیچ زانیارێومان سەبارەت بە موکیلەکەیمان نییەن و دەرەفەتەکێ پەیوەندیکەردەی چەنی ئاستەنگێ کریێنێ. بە دمایی ئاوردەی بە نیگەرانیەکان، پنەوازی هە تا بەزوویی سەردای ئیمرالی بکریۆنە و دیدار چەنی ئۆجالانی ئەنجام بدریۆن و بەڕێکوپێکی پەیوەندی و سەردای ئیمرالی دەست پنە بکەرۆنەوە.

بیرۆو حقوقی سەدەی کە سەدان پارێزەرێ وێبەخشێ ڕابەر ئۆجالانی جەوێش مەگێرۆنە جە کۆتاییەنە وازیارەن تا بەیەکجاری دمایی بە گۆشەگیری ئیمرالی باوریۆنە و ڕاستەڕاست پەیوەندی چەنی ئیمرالی دروست بکریۆنە و پەیوەستبە ئانەیە دەسەڵات ئەرک و وەرپەرسیاری وێش بەگا باوەرۆنە.

جەلایێ تەرەوە، پارێزەرێ بیرۆو حقوقی سەدەی (مەزڵوم تونج، ڕازییە ئۆزتورک، ئیبراهیم بیلمەز و نەورۆر ئویساڵ) پەی چەمپەنەکەوتەی چەنی ڕێبەر ئۆجالانی سەردای دۆزگەری تورکی جە بۆرسای و وەزارەتو دادگەر ی تورکیاشان کەرد و داواکاری وێشان پێشکەشێ کەردێ.
جە داواکاریەکەنە وازیارێنێ تا بەپەلە داواکاریەکەشان پەی سەردای ئیمرالی قبوڵ بکریۆنە تا جە ڕاشەوە نیگەرانیەکێ سەبارەت بە ڕێبەر ئۆجالانی دمایشان بەیۆنە.