پلاتفۆرموو هۆرام-ی بە بۆنەو ٤ ئاپریڵی رۆو جە ئەدابییەو ڕابەو ئۆجالانی و ئەرەمەڕزنای پژاک-ی پیرۆزبایی وێش یاونان و ڕابەر ئۆجالانی بە ئیرادەو نەتەوەو کوردی و نەتەوە چێردەسەکان بەنامێ کەردەن.
ڕاوەبەری پلاتفۆرموو هۆرام-ی بە بۆنەو ٤ ئاپریڵ (نیسان) /١٥و نەورۆزی رۆو جە ئەدابییەو ڕابەو ئۆجالانی و ئەرەمەڕزنای پژاک-ی پیرۆزبایی وێش یاونان و ئاشکراش کەردەن: ڕابەر ئۆجالان ئیرادەو نەتەوەو کوردی و نەتەوە چێردەسەکان و پژاک دینامیک و هۆرسوورنەرو خەباتوو وەرکەوتوو کوردستانیەن.
بەیانامەو پلاتفۆرموو هۆرام-ی بە بۆنەو ٤ ئاپریڵی /١٥ نەورۆزی رۆو جە ئەدابییەو ڕابەو ئۆجالانی و ئەرەمەڕزنای پارتوو ژیواو ئازادو کوردستانی– پژاک:
ڕۆو جە ئەدابیەو ڕابەر ئۆجالانی ( ئاپۆ ) ڕۆو بەرکەوتوو ڕۆشنائین جە ویەردێوە پەر جە تاریکی و چێردەسەیی نەتەوەو کوردی . جە ڕوێ پسۆ ٤-٤-١٩٤٨ کەسایەتی ئاشتیواز و ڕابەرێ جە ئەدێ بی کە ئارۆ جە دماو ٧٢ ساڵا بە ویر و پەێ لواکاش ، نەتەوەو کوردی و نەتەوە چێردەسەکا جیهانی بە هیواو و ئۆمێدێ زیاتەر پەێ یاوای بە ئازادی تێکۆشانشا درێژە مدا .
٤خەباتوو و تێکۆشانوو رێکوزەیە جیاوازاەکا کوردستانی و نەتەوەکا تەری کە فەڵسەفەو ڕابەر ئۆجەڵانیشا پسۆ فەلسەفەو یاوای بە ئازادی هۆرچنیەن . راسی ٤ ئاپریڵی پسۆ ڕوێ پرشنگدار جە تاریخوو سەردەمەو کوردستانی و وەرکەوتوو دڵێراسەیش زیاتەر بەر وست . بە جۆرێ کە تاومێ واچمێ جە ئەدا بیەو فەڵسەفێوە . نەخشە ڕێوە و هیواو ئۆمێدێ بێ پەێ ئا کەس و لایانا کە تەسلێمی زۆڵم و ستەم و سیستمە مڵهۆرەکا بییەبینێ .
پسۆ پڵاتفۆرموو هۆرام-ی سەڕەڕاو مۆبارەک کەردەو ئی ڕوەیە جە ئەرمەرزنەروو سیستموو کۆنفدرالیسمی دیموکراتیکی ، ڕابە ئۆجەڵان ، سۆز و پەیمان چەنی ئارمانەکاش تا یاوای بە ئازادی و یەکسانی تازە کەرمێوە . جە باور بیەی بە وێما و ئێستەیۆ ڕا چارەکا پارێزنای وێما و یاوای بە ژیوایە ئازاد ، وێما بە قەرزارێ فەڵسەفەو و کۆشیا و مدڕامانوو ڕابەر ئۆجەڵانی زانمێ .
یاگێ وێشەنە کە هام وەخت ١٧ هەمین ساڵرۆ ئەرەمەرزنایرەو پارتوو ژیواو ئازادو کوردستانی (پژاک ) پسۆ دینامیک و هۆرسوورناو خەباتوو وەرکەوتوو کوردستانی جە خانەوادەو شەهیدا ، گریڵایا ڕاو ئازادی ، ڕابەر ئۆجەڵانی و گەلەکەیما مۆبارەکبایی کەرمێ . پژاک ئا وەرەتاوەنە کە ڕابەر ئاپۆ بە هێزو و هیواو گەڵا ئێرانیش شێمانە کەردەن .
