شەوێ ویەردێ، جە بەرزایی ژاڵانە-و هەورامانی زیاتەر جە نیم مەترێ ڤەرڤە ۋارێنە و جە ئاکامشەنە ڕاکێ شارەکێ پاوە بە مەریوانی و سەڵواوای وزیێنێرە. پەی ئەوەکەردەی ڕاکا کارمەندێ ڕاداری پاوەی و سەڵواوای سەرقاڵێنێ و بەشێوی فرە جە ۋەرڤەکێشان ماڵێنە.
ڕاداری پاوەی و سەڵواوای داواشان جە شۆفێرانو هەرێمەکەی کەردەن: پەی کاری و پنەوازی فرە گرنگی نەبۆنە ڕاو ژاڵانەی بەکارناوەرانێ و جە بەکارئاوردیەچشەنە مشیۆم زنجیر پەی تایێ (لاستیکێ) ماشینەکانشان بەسانێ و ڕانمویەکێ هامۆشیێ بەگاباوەرانێ.