جە دەگاو (دوریسان)ی سەر بە شارو پاوە-و هەرێمو هەورامانی بەهمەت و کۆششکاری ئەرەمەرزیاو (عاطفه و احسان)ی، ژمارێو خێرۆمەندێ هامکاری وێشان یاونا بە ٢٥٠ خانەوادێ نیازمەندێ و کەمدەرامەتێ دەگایەکۍ.
هامکاریەکە پێکئاومابێ جە ٢٥٠ بەستێ واردەمەنی کە هەر بەستێوە چەنڎین جۆرێ واردەمەنیێش جەوێش گێرتەبێ.
جە وەرانوەرەنە، خانەوادەکێ وەشحاڵی و سپاسگوزاری وێشان بە هامکاریەکەی نیشانەدا.
ئەرەمەرزیاو (عاطفه و احسان)ی ٧ ساڵێن مەرزیانەرە و جە ئا وەختەوە تا بە ئارۆ چەنڎین هەرمانێ خێروازیێش ئەنجامێ دێنێ.
ڕاوەبەرێ ئەرەمەرزیاکەی وازیارەن تا خێرۆمەندێ هامکاریشان بکەرانێ تا ئاڎێچێ بتاوانێ زیاتەر خزمەت بە هامدەگایەکانشان بکەرانێ. 
ژمارە کارت بانکێ ئەرەمەرزیاو (عاطفه و احسان)ی جە پاوە...

بانک ملت۶۱۰۴۳۳۷۶۶۸۰۴۶۵۵۸

بانک ملی۶۰۳۷۹۹۷۵۹۹۱۷۸۶۸۹

دەگاو دوریسانی ٤ هەزارێ ئەرەنیشتێش هەنێ و جە ئیسەنە بڕیار دریان تێکەڵ بە پاوەی بکریۆنە و ببۆنە گەڕەکێ جە گەڕەکانو شارەکەی.