جە هەورامان هێزەکی ئێرانی هاموڵاتیێوشان کوشت
جە هەورامانی تەخت هێزە ئێرانی تەقەشان جە هاموڵاتیان کەردەن و جە ئاکامەنە هاموڵاتی "سەعدی ڕۆستەم زادە" کوشیان و هاموڵاتیێ ناوچەکەی دژ بە تەقەکەردەکەی و کوشتەی هاموڵاتیەکەی ناڕەزایەتیشان نیشاندان.
سەرچەمەکێ هەواڵی جە شارچەو هەورامانو تەختی سەر بە شارستانو سەوڵاوای ئاشکراشان کەرد: ڕێککەوتو ٣ شەممەی (١٧ نۆڤەمبەر)ی، هێزە چەکدارەکێ ڕژێمو ئێرانی بەبێ ئاگاردارکەردەی تەقەشان جە هاموڵاتیان کەردەن و جە ئاکامەنە هاموڵاتی "سەعدی ڕۆستەم زادە" دەمودەس پێکیان و گیانش جەدەستدان و دمای ئانەیە تەرمەکەش ڕەوانەو پزیشک قانونی شارو سنەی کریان.
شۆنیشەرە، هاموڵاتیێ ناوچەکەی دژ بە تەقەکەردەکەی و کوشتەی هاموڵاتیەکەی ونیشاندایشان کەردەن و ناڕەزایەتیشان نیشانەدان و چەنی هێزە چەکدارەکێ ڕژێمی گژیێنێ. ڕژێم پەی سەرکوتکەردەی وێنیشاندانی و ناڕەزایەتی هاموڵاتیەکان، جە مەریوانەوە هێزی زیاتەرش ڕەوانەو هەورامانو تەختی کەردەن.
هێزە چەکدارەکێ ئێرانی بانگەشەشان کەردەن: تەقەشان جە کاسبکارانو ناوچەکەی کەردەن کە گوایا باری قاچاخشان پنە بییەن.
بەڵام خەڵکو ناوچەکەی ئا بانگەشەیە ڕەت مەکەرانێوە و بە ناڕاست جە قەڵەمش مڎانێ و وازیارێنێ حکومەت تەقەکەرەکێ و بکوشێ هاموڵاتی "سەعدی ڕۆستەم زادە" دەستگیرێ بکەرۆنە و سزێ بڎۆنە.
