جە کەمەربەندی پاوە-ی کەمتریار ۋینیا

دمای ساڵانێوی دور و درێژی، جە نزیکو جادەو کەمەربەندی پاوە شاری، کەمتریار بەرکەوتەوە و ۋینیا.

جە دمای ساڵانێوی دور و درێژی، جە نزیکو جادەو کەمەربەندی پاوە شارو هەرێمو هەورامانی، ئاژەڵو کەمتریار بەرکەوتەوە و ۋینیا. بەرکەوتەی کەمتیارەکەی هاموڵاتییێ پاوەیش نیگەرانێ کەردێنێ. بەڵام جە وەرانوەرەنە شارەزێ ژیوگەیش وەشحاڵێ کەردێنێ و ئاڎێ مەواچانێ: کەمتیار گیانەوەرێوی بێزیانەن پەی ئانزانی و بەرکەوتەیش نیشانی ئەوەژیوای ژیوگەیەن و یاگۍ نیگەرانی نییەن. چونکە کەمتیار زیاتەر گیانەوەرێ مرداربیێ موەرۆنە و کارش بە ئینسانی نییەن.
بەرکەوەتەی کەمتیاری جە پاوە نیشانە مڎۆنە، ئەگەرش هەن ژمارێوتەرێ کەمتیارێ جە هەمان یاگېنە بژیوانێ. چونکە بەگردی کمتیار فێشتەر گانەوەرێوی کۆمەڵایەتین و پێسەو خانەوادێوی پێوەرە مژیوانێ.
سەرزەمینو کەمتیاری پانیشتو ئاسیای، وەرکەوتی دلین، کوردستان، ئێران و ئەفریقان و ساڵ بەساڵ ژمارەو ئا گیانەوەرەیە کەمتەر مەبۆنەوە و مەترسی بە یەکجاری دلێنەشییەش هەن. وەڵتەر جە ناوچێ و دەڤەرەکێ هۆرامانیەنە کەمتیار بەشێوازێوی فرە بییەن و ژیوان و هەر پۆکەی فرێ یاگۍ بەنامێ کەمتیاری کرینێ چوون مەڕە کەمتیارە. بەڵام جە ئی ساڵانو دمایە تاک و تەرا و دگمەن نەبیەبۆ، ئیتر کەمتیار جە هەرێمەکەنە بەرنەکەوتەن و نەۋینیان.