جە مەڕیوان، دەورەی ئاکادمیکی سەرەتایی پەروەرنای زاڕۆڵان ڕێکبۋزیۆنە

جە مەڕیوان، بەسەرپەرشتی ئەنجومەنو ڕۆجیاری دەورەی ئاکادمیکی سەرەتایی پەروەرنای زاڕۆڵان ڕێکبۋزیۆنە.

راوەبەریی ئەنجومەنو ڕۆجیاری جە شارو مەریوانی ئاشکراش کەرد: جە بارەگاو ئەنجومەنەکەیشانە جە شارو مەریوانی، دەورەی ئاکادمیکی سەرەتایی سەبارەت بە پەروەرنای زاڕۆڵان ڕێکبۋزۆنە.
بەپاو ئەنجومەنەکەی، دەورەکە سەرو بنەماو تازەتەرین وەرچەمە زانستیەکانو سەردەمی ساز بکریۆنە و ئی بابەتانە جە وێش بگێرۆنە:

چەمکو زاڕۆڵە پەروەرنای
شێوازەکۍٚ زاڕۆڵە پەروەرنای
بەهێز و تەواناکەردەی ئەد٘ا و تاتەی سەبارەت بە زاڕۆڵە پەروەرنای
پەروەرنای و ئامادەکاری زاڕۆڵان

ئەنجومەنەکە سەبارەت بە خولەکەی ئی زیاریێچشە دێنۍٚ:

خولەکە پەی تەمەنەکانو ۱۸ تا ۷۰ ساڵانییەن
جە ماوەی زەمانی ۴۵ سەعاتیێنە وانەکۍٚ بواچیانێوە
فێرکار: حەمید ڕەزایی، زانست‌یارو فەلسەفەی و ڕەوانکاوی (دەرونشناسی)
خولەک گردٚ چوارشەممانۍٚ هەفتەی سەعات ١٦:٣٠ دەیەقێ دمانیمەڕۆی تا سەعات ١٨:٠٠و سەرۋێرەگای ساز بکریۆن.
یاگێ: دەفتەرو ئەنجومەنوو ڕۆجیاری جە موجتەمەع فەرهەنگی مەریوانی
ئامای پەی گردٚ کەسین.