جە پاڵنگان جە ڤیەرێوی هامۆشیێنە ١٩ سەرنشینێ مینوبۆسێوی گیانشان جەدەستدا

جە نزیک پاڵنگان-و هەورامانی جە ڤیەرێوی هامۆشیێنە مینۆبۆسێو هۆروێڵیان و جەئاکامشەنە ١٩ سەرنشینێ خەڵکو ئاوایی پیرسەفاو مەریوانی گیانشان جەدەستدان.

دمانیمەڕۆو ئارۆی، جە نزیک دەگاو پاڵنگان-و هەورامانی جە ڤیەرێوی هامۆشیێنە مینۆبۆسێو هۆروێڵیان و کوتەنە دەرە.
سەرچەمەکێ هەواڵی جە هەورامان و مەریوانەوە ئاشکراشان کەردەن: جە ڤیەرەکەنە مینوبۆسەکەبتەمامی دلێنەشیەن و  ١٩ سەرنشینێش گیانشان جەدەستدان.
مینوبوسەکە کەمیارانەوە ڕووبە مەریوان لوان و سەرجەم سەرنشینەکێش خەڵکو ئاوایی پیرسەفاو مەریوانی بیێنێ گیانشان جەدەستدان.
 
ساڵانە بەهۆکارگەلێ چوون، خراپی ڕا و جادەکان، وەچەمنەگێرتەی ڕێساکانو هامۆشیێ و خێڕایی ونەخوڕای، سەڎان ڤیەرێ هامۆشیێ جە وەرکەوتی کوردستانی ڕووە مڎانێ و بەهۆکارشانەوە دەیان کەسێ گیان مەسپارانێ و سەڎانی تەرێ زامدارێ مەبانێ.