کەم ئاوی زۆرش پەی پاوەی و دەوروبەریش ئاوردەن

کەم ئاوی زۆرش پەی پاوەی و دەوروبەریش ئاوردەن و بیرێ شارەکەی ئاویشان سێ یەک کەمش کەردەن.

ئێساڵ کەم ڤارانی و وشکەساڵی پاوە و هەورامان بە تایبەتی و کوردستان و ئێران بەگردییش ڕووبەڕووێ بارودۆخێوی سەختی کەردێنێوە. ئەگەر ڤاران نەڤارۆنە و پلانسازی پەی کەم ڤارانی و وشەکەساڵی ئێساڵی نەکریۆنە، هاموڵاتێ، گیانەورێ، کشتوکاڵای و باغداری و دارستانێ و ژیوگە مەگانێ زەحمەتی جددی و دیار نییەن چ چارەنویسیوی تەرسناک چەمەڕاییشان بکەرۆنە.
جە ئی بارەوە تایبەت بە بارودۆخەکەی جە شارو پاوەی، وەرپەرسیارێ شارەکەی ئاشکراشان کەردەن: کەم ئاوی زۆرش پەی پاوەییەکان ئاوردەن و بیرێ ئاوێ شارەکەی سێ یەک ئاویشان کەمش کەردەن و ئەگەر بەزوویی ڤاران نەڤارۆنە، ئەگەرش هەن بەتەمامی وشکێ ببانێ.
هەرپاسە دەستنیشانشان کەردەن: ساڵێ ویەردێ ۶۷۰ میلی‌مەترێ ڤاران ڤاران، بەڵام ئێساڵ و تا ئیسە ۴۷۸ میلی‌مەترێ ڤاران ڤاران و بەی جۆرە سەڎەنە ۳۶ کەمتەر ڤاران ڤارای کەمش کەردەن و ئانەیچە پاوە و هەورامانش جە قەیرانی جددی نزیکێ کەردێنێوە.
وەرپەرسیارێ پاوەی داوا جە هاموڵاتیان مەکەرانێ کەمتەر ئاوی بەکارباوەرانێ و زیادەڕەویش چنە نەکەرانێ.

شارستانو پاوەی جە ١ شاری و ٥ شارچێ و ٤٢ دەگایێ پێکمەیۆنە و شارستانەکە زیاتەر جە ٢٦ هەزارێ بەشداربیێ لولەکێشی ئاوێش هەنێ کە پەی دابینکەردەی ئاوو واردەوەیشان، پنەوازی بە ٢٤٠ لیترێ ئاوی جە چرکێوەنە هەن.