کەمپەینو "یانەباوان"ی بە کۆکەردەی ١ ملیار و ٣٠٠ ملیۆن تومانێ بەئەنجام یاوا

کەمپەینێ پەی ئەسانای "یانەباوان"ی کە خەڵکو هەورامانو تەختی دەسشان پنەکەردەبێ و بە ئەسانای دوێ دەسێ یانا جە شارو سنەیەنە پەی خزمەتکەردەی نەوەشەکانو شارەکەیشان دماییش ئاوما.

خەڵکو شارو ”هەورامانو تەخت“ی جە ماوەی ویەردەنە بە مەبەستو خزمەتکەردەی بە کەسانێ کە نەوەشێنێ و پەی چارەسەری سەردای شارو سنەی مەکەرانێ و یاگێ و دەرفەتو ئەوەمەنەیشان جە شارەکەنە نەبێ، ئەواوەجەمی و پێوەرە کەمپەینێشان بەنامێ "یانەباوان"ی پەی ئەسانای یاگێوە کە نەوەشەکێ شارەکەیشان جە سنەنە دلێشەنە بمەنانێوە و بسیاوە، دەسپنەکەردەبێ.
جە کەمپینەکە زیاتەر جە یەک (١) ملیارد و (٣٠٠) ملیۆن تومانێ پوڵ کۆکریاوە و بە ئا پوڵەیە دوێ دەسێ یانێ جەشارو سنەیەنە پەی نەوەشەکانو هەورامانو تەختی ئەسانیێ. بە ئی جۆرە جەی دما هەر کەسێ جە هەورامانو تەختی کە نەوەش بۆنە یان کارێوی گرنگش بۆنە و سەردای سنەی بکەرۆنە، پنەوازیش بە هۆتێلێ نییا و متاوۆنە یانەباوانەنە بمانۆوە.

وەڵتەریچ خەڵکو دەگایەکانو رووەری و کەماڵای هەمان چێوشان جە شارو سنەیەنە کەردەبێ و هەر دەگایوەشان دەسێ یانێشان پەی خزمەتکەردەی دەگانیشنەکانشان ئەسانێ بێنێ.