کتێبو "نیشتمانێ پەی زەخمی و جستێو پەی عشقی"ی کە ئانتۆلۆژیێ جە شێعرێ نۊ هەورامیێن بە فارسی بەنامێ ”وطنی برای زخم و تنی برای عشق” چاپ و وەڵاو کریاوە.
ئی کتێبە کە جە ئامادەکەردەی و هۆرگێڵنای فەرشید ڕۆستەمی شاعێر و نویسەرو جەوانو هەورامانین، وەڵاوگەو ئەفروودی جە شاروو تارانی چاپ کەردەن و ۹۹ لاپەلێ جەوێش مەگێرۆن.
پەخشو کتێبوو مادی جە شارو سنەی وەڵا کەردیوەو کتێبەکەش گێرتەن ئەستۆ.
جە ئی کتێبنە هەوڵ دریان سەرەتاکاو شێعرێ نۊ هەورامیێ ئەوەوانایش پەی بکریۆن و باس جە ئانەی کریا کە ئی ڕەوتە کەی و چەنی دەسش پەنەکەردەن و چیوانێ کاریگەریشان سەرو شکڵگێرتەی و پەنەیاوای ئی ڕەوتینە بییەن.
فەرشید ڕۆستەمی شاعێر و نویسەروو جەوانو هەورامانی، سرنجش وستەن سەرو نزیک بە نیم سەدە جە تەمەنو شێعرێ نۊ هەورامیێ و پانزە شاعێرێش هورچنیێنێ کە شعرێ نۊ هەورامیشان نویستێنێ و جە هەرکامی بڕێ شێعرێش هورگێڵنێنێوە سەروو زوانوو فارسی کە بریتینێ جە؛ عوسمان محەمەد هەورامی، جەلیل عەباسی، ڕەئووف مەحموود پوور، کولسووم عوسمانپوور، مدریک کەریمی، سوهەیب فاروق، سابیر عەزیزی، مەهدی ئەبری، ژوان ڕەحیمی، مەهوەش دروستکار، ئەحسەن ڕەشیدی و....
ڕۆستەمی ساڵوو ۱۳۷٦ی وەرەتاوی جە شارو هەورامانو تەختی جەئەڎ بییەن و وەڵتەر ساڵوو ۹۵ی، ئەرماننامەو سامۆئێل بێکێتیش هورگێڵنان زوانی هەورامی و ساڵوو ۹۷ی یەکەمین کۆمەڵە شێعرش بە نامێو "شپرز یانی من، دنیا ئەفغانستانی" بە 
هەورامی چاپ کەردەن.

٭٭٭٭٭٭

بڵاوکراوەی نوێ

کتێبی " نیشتمانێک بۆ برین، جەستەیەک بۆ ئەوین " هەڵبژاردەی شێعری نوێی هەورامی بە زمانی فارسی بڵاو بووەوە.

ئەم کتێبە لەلایەن چاپەمەنی ئەفروود لە شاری تاران لە 99 لاپەڕەدا مانگی ڕەشەمەی 99ی هەتاوی بڵاو کرایەوە.
لە پێشەکی ئەم کتێبه‌دا بە وردی سەرەتاکان و دەسپێکەکانی شێعری نوێی هەورامی هەڵسەنگێندراوەو لە درێژەدا، لە پازده شاعێری نوێ نووسی هەورامی لە هەرکام و چەن شێعر وەرگێڕدراوەتە سەر فارسی. 
پەخشانگای کتێبی ماد لە شاری سنە بڵاو کردنەوەی ئەم کتێبە لە ئەستۆ گرتووە.
هەندێک لەو شاعێرانەی لەم کتێبەدا شێعریان هاتووە بریتین لە: عوسمان محەمەد هەورامی، جەلیل عەباسی، ڕەئووف مەحموود پوور، کولسووم عوسمان‌پوور، مودریک کەریمی، سوهەیب فاروق، مەهدی ئەبری،  ئەحسەن ڕەشیدی، مەهوەش دروستکار، سابیر عەزیزی، ژوان ڕەحیمی و...

فەرشید ڕۆستەمی لەدایک بووی ۱۳۷٦ کۆچی هەتاوی لە شاری هەورامانی تەختە. ئەم شاعێر و نووسەرە لاوە پێشتر  له ساڵی ۹۵ شانۆنامەی سامۆئێل بێکێتی وەرگێڕاوەتە سەر هەورامی و دواتر لە ساڵی ۹۷یشدا کۆمەڵە شێعرێکی نوێی هەورامیی بە ناونیشانی " شپرز یانی من، دنیا، ئەفغانستان " 
بڵاو کردۆتەوە.