نویسگەو یاساو سەدەی پەی وینای ڕابەروو گەلوو کورڎی سەرۍ دادگای دەستووریشا دا

داواکارییەکۍ پەی چەمپەنەکەوتەی چەنی ڕابەروو گەلوو کورڎی "عەبدوڵڵا ئۊجەلان" بە هەڕەمەکی و میزاجییانە ڕەتۍ کریاوە. وەروو ئانەی ئی جارە پارێزەرەکۍ پەی سازدای دیداری سەرۍ دادگای دەستوورییشا دا.

داواکارییەکۍ پەی چەمپەنەکەوتەی چەنی ڕابەروو گەلوو کورڎی "عەبدوڵڵا ئۊجەلان"ی بە هەڕەمەکی و میزاجییانە ڕەتۍ کریاوە. وەروو ئانەی ئی جارە پارێزەرەکۍ پەی سازدای دیداری سەرۍ دادگای دەستوورییشا دا.

نویسگەو یاساو سەدەی، دماو بوومەلەرزەکاو ٦وو شوباتوو مەرەشی، پەی چەمپەنەکەوتەی چەنی ڕابەروو گەلوو کورڎی "عەبدوڵڵا ئۊجەلان" و زینڎانییای تەری، جە زینڎانوو ئیمراڵینە، "عومەر خەیری کۊنار، حامیلی یڵدرم و وەیسی ئاکتاش" سەرۍ داواکاری گرڎینوو بورسای وڕاوەبەرایەتیی زینڎانوو ئیمرالییشا کەرد، تا بنەیانەکۍ و پارێزەرەکۍ بتاوا ئیمراڵیینە چەمشا بە زینڎانییەکاشا گنۊ.

دماو ئانەی جوابوو داواکارییەکەیشا نەدریاوە، پارێزەرەکۍ جە ١٤و شوباتینە سەرۍ دادگاو سزاکاو بورسایشا دا. دادگاکەیچ سزاو دیسپلینیش سەپنێبۍ و ئانەش کەرڎەبۍ بەهانۍ و پەی ئانەیچ داواکێش پەی سازدای دیداری ڕەتە کەرڎێبۍ. پارێزەرەکێچواتەبێشا، داواکارییەکەشا بۊنەو کارەساتی سروشتیوەە بییەن، پەوکای مەکریۊ ڕاگیری کریۊ و وەروو ئانەیچ سەرۍ لقوو ١وو دادگاو سزا قورسەکاو بورسایشا دابۍ. دادگاکەیچ جە ٢٢ی شوباتینە قەرارش دا، کە قەرارەکەو دادگاو بورسا بە پاو "یاسا و ڕێساکا" بییەن و داواکاریی سەرداکەیش ڕەت کەرڎەبۍ.

دماتەر پارێزەرەکۍ ئاماژەشا بە خاڵەکاو ٢٠ و ٤٠ و ١٧ی دەستووری کەرڎێبۍ، کە سەروو "مافوو ژیوای تایبەتی و ڕێزگێرتەی جە ژیوای خێزانی"، "مافوو هەقی و ئازاڎی" و "پاشێلکەرڎەی ئەشکەنجە و ئازاردای"ن و پەی ئانەیچ جە ١٦و ئازارینە سەرۍ دادگای دەستووریی(AYM)شا  دا.

جە داواکارییەکەنە ئاماژە بە یاسا وەهەرمانەکا کریان، کە مافوو چەمپەنەکەوتەی زینڎانییا و سزادریایا پارێزیان،  ئەشکەنجە و خراپمامەڵەکەرڎەی قەدەغە کریان و مافوو زینڎانیان جە حاڵەتەکاو کارەساتی سروشتینە پەیوەندی بە خێزانەکاشاوە کەرا و چەمشا بە یۊترینی گنۊ.

پارێزەرەکۍ جە داواکارییەکەشانە تیشکەشا وستە سەروو ئا گۊشەگیرییە، کە ماوەو ٢٤ ساڵان درێژەش هەن و داوایان کەرڎێنە، مافوو چەمپەنەکەوتەی چەنی پارێزەرا و کەسوکاروو موەکیلەکاشا بە شێوێوە سەرەکی و بنەڕەتی وەرەچەم گیریۊ.

س.ز