پلاتفۆرموو هۆرام: ئۆجالان سەلەمناش دمارۆو مدرامانی و وێرێکوستەی و سەرکەوتەی و چارەسەریەن

ڕاوەبەری پلاتفۆرموو هۆرام-ی ئاشکراش کەرد: ڕابەر ئۆجالان بە مدرامانو وێش جە ئیمرالی سەلەمناش دمارۆو مدرامانی و وێرێکوستەی و سەرکەوتەی و کرێڵو چارەسەرییەن.


ڕاوەبەری پلاتفۆرموو هۆرام-ی بە بۆنەو ٢٢مین ساڵەو گەلەکۆمەی میاندەوڵەتی دژ بە ڕابەر عەبدوڵا ئۆجالانی و ئەڕفانایش بەیاننامێوش دان و جە میانشەنە دەستنیشانش کەردەن: ڕابەر ئۆجالان بە مدرامانو وێش جە ئیمرالی سەلەمناش دمارۆو مدرامانی و وێرێکوستەی و سەرکەوتەیەن و هاموەخت جە کوردستان  و تورکیا و وەرکەوتی میانییەنە ویر و فەلسەفە و کۆشایەکەش کرێڵو چارەسەرین

تەمامی بەیاننامەکەی:

٢٢ ساڵێ چێوەڵتەر جە ڕوە پسەو ئاڕۆینە ڕابەروو نەتەوەیی کوردی و گەلە چێردەسەکانو جیهانی جە پیلانێ دوور جە گردو نرخە ئینسانی و سیاسیی و حقوقیەکان جەلاو دەوڵەتانو ناتۆی و روسیەی ئەڕفانیا. ڕۆو ١٥/٢ یا شۆباتی پسەو ڕوێ سیاو جە تاریخوو کوردا و هەر پاسە ئازادیوازاو  جیهانی تەماشە مەکریۆ.
ڕابەر ئۆجەڵان جە دماو ٢٢ ساڵا بە مدرامانو وێش جە زیندانو تاکەکەسی ئێمرالینە ئا راسینەشە نیشانەو دۆست و دوژمنی دا کە فەلسەفەکەش و پراکتیکوو پەکەکەی دما کرێڵێ چارەسەری گرفتەکێ وەرکەوتوو دڵێراسەیەنێ. پەوچی پیلانگەرێ و هێزە هەرێمیێ و جیهانیەکێ نمەتاوانێ رۆڵ و کەسایەتیش وەرچەمش نەگێرانێ
بە پێچەوانەو گردو سەرهۆردایەکا و حزبەکاو کوردستانی و وەرکەوتوو دڵێراسەی کە دمای ئەڕفانای یان تەسفیەکەردەی سەرکردەکاشا بێهێزێ بێنێ یان دلێنەشیێنێ، بەپێچەوانەوە جە دماو ئەرفانای ڕابەر ئاپۆی، نەک پەکەکە بێهێز نەبی، بەڵکو پەکەکە و فەڵسەفەو ڕابەر ئۆجەڵانی جە مەرزەکێ کوردستانی و وەرکەوتوو دڵێراسەیش دەرباز کەرد و فرەو وەڵاتا و نەتەوەکاو جیهانیەرە وەڵاو بییەوە. یاگێ شانازینە کە کورد ئارۆ ڕابەر و جەمیەرێوش هەن کە پەرچەمداروو سۆسیالیزم، ئازادی، یەکسانی و ویر و ئیکۆڵۆژین و بییەن بە ناوەندێ پەێ گرد ئازادیوازێ جە جیهانەنە.

ڕابەر ئۆجەڵان سەڵمناش کە مدرامان و وێڕێکوستەی جگە جە سەرکەوتەی هیچ دەسکەوتێ تەرش نیا. پۆکەی پسەو پڵاتفۆرموو هۆرام-ی، سەرەراو شەرمەزار کەردەی ئی ڕوو سیاوەیە و ئانیشا کە جە پیلانگێڵناکەیەنە گێڵناینە دەستشا بێ، داوا جە گەلەکەیما بە گردی و بە تایبەت جوانان مەکەرمێ: "پەێ ئانەی ویرو دوژمننا چاڵی بنیا، با بە وانایۆ ئایدیۆڵۆژی ڕابەر ئاپۆی و وێرێکوستەی وێشا بنەرەتو ژیوایە ئازاد و دیموکراتیکی بمجارە. باورمان ئانەن کە ئازادی کوردی و کوردستانی بە سەرهۆردا و ئاخێزو ڕابەر ئۆجالانی دەستش پەنەکەردەن و بە ڕابەری ئادیچی سەرمەگنۆن. 
دماجار پسەو پلاتفۆرموو هۆرام-ی، چەنی فەلسەفەو و مدرامان و ڕابەر ئاپۆی ، گەریلاکێ ئازادی و ڕاو شەهیدا پەیمان تازە مەکەرمێوە و تا سەرکەوتەی یەکجاری درێژە بە خەبات و کۆشیای وێما مەدەیمێ.