شەعبان محەمەدی و مەسعود نیکخا جە دماو زیاتەر جە ١٠٠ ڕۊان ئازادۍٚ کریۍٚ

شەعبان محەمەدی خەڵکو دەگاو دزڵیۍٚ و مەسعود نیکخا خەڵکو شارو مەریوانی جە دماو زیاتەر جە ١٠٠ ڕۊان جە زیندانیکەردەیشان، ئازادۍٚ کریۍٚ.

شەعبان محەمەدی و ئەسکەندەر لوتفی  خەڵکو دەگاو دزڵیۍٚ سەر بە هەرێمو هەورامانی و مەسعود نیکخا خەڵکو شارو مەریوانی کە هەر یەرێشان چالاکوانۍٚ فەرهەنگیۍٚ و کرێکاریێنۍٚ، جە ڕۆو جیهانی کرێکاریەنە جەلاو هێزەکانو ئێرانیەوە دەستگیرۍٚ کریێبۍ و دماتەر جە ڕۆدیارو  ٢١ و ٢٢ی پاژەرەژو ١٤٠١ وەرەتاویەنە، محەمەدی و نیکخا ڕەوانۍٚ زینڎانو ئەڤین-و تارانی کریێ بێنۍٚ.
دەستگیرکەردەی و زیندانیکەردەی ئا یەرە چالاکوانەیە ناڕەزایەتییش شۆنیەرە ئاوما و هەم جە کوردستان و هەم جە ئێران پەی ئازادکەردەیشان کەمپەینۍٚ و چالاکیۍٚ ڕێکۍٚ وزیۍٚ. سەرئەنجام کەمپەینۍٚ و چالاکییەکۍٚ بەرهەمشاندا هەر یۆ جە شەعبان محەمەدی خەڵکو دەگاو دزڵیۍٚ جە دمای ١٠٢ رۊان و مەسعود نیکخا خەڵکو شارو مەریوانی جە دماو ١٠١ڕۊان جە زیندانیکەردەیشان، بە نیارەی بارمتەو ٢ ملیار تومان-ـا ئازادۍٚ کریۍٚ.