شلێرە و سومەیە دیوارەکێ پاوەیشان نەخشنێ و ڤنارێ

شلێر شافعی کە بە (گوراڵه) ئەشناسیێنە و سومیه ڕەحیمی دوێ کناچە هونەمەندێ هەورامانیەنێ و بە کارە هوەریەکانشان دیوارەکێ پاوە شاریشان نەخشنێنێ و ڤنارێنێوە.

 

شلێر شافعی کە بە (گوراڵه) ئەشناسیێنە و سومیه ڕەحیمی دوێ کناچە هونەرمەندێ و شێوەکارێ شارو پاوەو هەرێمو هەورامانیەنێ و ماوەێوەن بە کارە هونەریەکانشان سەرقاڵێ نەخشنای و ڕازنای و ڤنارای دیوارەکێ شاریەنێ.

جە ئی بارەوە  کەوسەر فەخری، پەیامکیانەرەو پەلیانەو سەلام پاوە-ی گوزارشێوش ئامادە کەردەن و جە میانشەنە باسش جە ئامانج و  هەرمانە هونەرەکانو شلێرێ و سومەیەی کەردەن.
شلێرە و سومەیە واتەنشان بە کەوسەرێ: ئامانجشان نوئاوەریەن جە هونەرەنە. شێوەکاری سەرو شیشێ و پارچە (قوماش)ی، پرۆژەو پایاننامەو زانستگایشان بییەن. هاموەخت گەرەکشانە هەستو زەریف دۆستی دلێ خەڵکینە وەڵاو بکەرانێوە.
بەڵام شلێرە و سومەیە نیگەرانێنێ جە ئانەیە خەڵکانێو هەنێ بە هەڵە هۆرسەنگنای پەی کارە هونەرەیەکانشان مەکەرانێ و ئەجۆشان هونەر کۆپی کەردەی و سیاو قەڵەمیەن و نمەزانان کە دنیاو هونەری ئالۆز و فراوانەن. 
ئاڎێ هیوادارێنێ، بە کارە هونەریەکانشان دیدگاو گلێرگەی پەی هونەری و شێوەکاری و نەقاشی بفاڕانێ و دمایی بە ئا باوەڕیە باوەرانێ کە ئەجوش ژەنی جە هونەرەنە سەرکەوتێ نییەنە.

شلێر شافعی (گوراڵه) و سومیه ڕەحیمی دوێ کناچە هونەمەندێ پاوەی مەواچانێ: نمەکریۆن پەی هەمیشەی هونەرمەندێ جە پەراوێزەنە بمانانێوە و هونەر تەنها جە شێوەکاری و تابلۆکانە سنوردار بکریۆن و بوارەکێ هونەری فرێ و هەمەلایەنێنێ، هەر پۆکەی ئێمە گەرکمانە ئا تاپۆیە بماڕمێنە و دیوارێ وانگایەکێ شار بنەخشنمێ و بڕازنمێوە و ئەگەر وەرپەرسیارێ شاری ڕەزامەندێ نیشانە بڎانێ، هەمان کاری هونەری سەرو دیوارێ باڵەخانەکێ تەرێ شاریۆ دووبارە بکەرمێوە. 

naghashi-9 naghashi-2 naghashi-8 naghashi-4 naghashi-7 naghashi-5 naghashi-10 naghashi-11 naghashi-13 naghashi-14 naghashi-15 naghashi-16 naghashi-17 naghashi-18 naghashi-12 naghashi-6