"تان و پۆ" چاپ و وەڵاو کریاوە

"تان و پۆ" جە نویستەی و هۆنیەی عەدنان مورادی کە کۆمەڵێ شیعرێ تازێ جە وێش مەگێرۆنە، چاپ و وەڵاو کریاوە.

کتێبو "تان و پۆ"ی جە نویستەی و هۆنیەی عەدنان مورادی چاپ و وەڵاو بییەوە. کتێبەکە بەرهەمو دەیان ساڵان جە نویستەی و هۆنیای شیعرێ هۆرامیێ و کۆمەڵێ شیعرێ تازێ جۆربەجۆری ئەدەبیێ بە زوانی هۆرامی جە وێش مەگێرۆنە.
تان و پۆ ٣٩٤ لاپەلێن و ئەرەمەرزیاو چاپ و پەخشو ئارۆی جە پاوە چاپ و وەڵاوش کەردەنە. 
بەئا جۆرە کە میدیاکێ هەورامانی وەڵاوشان کەردەنەوە، چاپ و وەڵاوکەردەیۆ تان و پۆی جیاوازەن و پەی یەکەمین جاری چوون کتێبێوی هۆرامی یا کوردی سود جە کودو (QR COD)ی هۆرگیریان کە جە ڕاشەوە بە داولۆندکەردەی بەرنامەو (QR REDER)ی، هەم شیعرەکێ بە نویسیای بوینیانێوە و هەم بە دەنگو شاعیری بژنەویانێ.