یانەو ژەناو ھەورامانی: نا پەی تندوتیژی دژ بە ژەنان، ئەرێ پەی کۆمەڵگایێوی یەکسان و ئازادی

یانەو ژەناو ھەورامانی تندوتیژی دژ بە ژنێ بە تاوان وەراوەر بە ئەڎێ مزانۆنە کە بناغەو گرد گۆمەڵگایێوێش بنیاد نیا. یانەکە ڕەخنە جە دەسەڵاتی مەگێرۆنە و وازیارو کۆمەڵگایێوی یەکسان و ئازاد و بێ تندتێژیەنە.

جە ٢٥ونۆڤەمبەری ڕۆی گەردوونی وەراوەربیەی چەنی تندوتێژی دژ بە ژەنانە، یانەو ژەناو ھەورامانی دەستنیشانش مەکەرۆنە: تندوتیژی دژ بە ژنێ تاوانەن وەراوەر بە ئەڎێ و بناغەو گرد کۆمەڵگایێوی ئەڎێ بونیاد نیان.
پەوکی ئەرکی گران و وەر پرسیاریەتی پارێزنای ژەنان و کناچان ئینارە دەسو ئەڎایاوە و مشیۆم ئاڎێ پێشەنگێ فاڕایای و پەروەردەی و فێرکەردەی بانێ.
ژەنێ کوردی جە گردوو قۆناغەکانە قوربانیێ سەرەکیێ کۆمەڵگای بیێنێ. تەنانەت قوربانیێ داب و نەریت و قسێ و باسێ کۆمەڵگایەنەێ. 
یاگێ داخێنە کە پیێ کوردی فرەو یاگاو دونیاینە بە ژەنکوشێ ئەژناسیێنێ و تاوانەکێشان وەرانوەر بە ژەنێ ئێتر پەردەپۆشێ مەکریانێ و بیێنێ بە لەکێو سەر نامبانگو گەلەکەیماوە جە دنیانە.
پەوکەی چی ڕوەنە دەسنیشانش مەکەرمێ بە گردو تاواناکاماوە کار مەکەرمێ پەی:
-پەنەیاونای ژەنێ ئازادێ و ئەڎای ڕۆشنویرێ
- سەبارەت بە تندوتیژی، ھۆشیاری دلێ گلێرگەیەنە وەڵاومەکەرمێوە
-دژ بە ھەر جۆرە تندوتیژی و داب و نەریتێوی مدرمێوە کە بۆ بەهۆو ئازاردای ژەنێ یان کوشتەیش

هاموەخت ئەرکو ھەر حکومەتێویەن جە دنیانە و دلێچشەنە حکومەتو ھەرێمو کوردستانی تا  سزای فرە قورسو ئا کەسانە بڎانێ کە تندوتیژی وەانوەر بە ژەنێ مەکەرانێ. یاگێو نیگەرانیمانە کە حکومەتو ھەرێمو کوردستانی کەمتەرخەم و بێباکەن جە ئا گردو تاوانانە وەرانوەر بە ژەنان مەکریانێ.
ژەنەو کوردی نەک پەی کوردستانی بەڵکو پەی گردو دنیای سەلەمناش کە ئازتەرین و جەنگاوەرتەرین مرۆڤەکێ سەرزمینیەنە و داستانە و جەنگاوەری ژەنانو کوردی وەراوەر بە داعشی نیشاندەرو ئا ڕاسیەیەنە.

نا پەی تندتیژی دژو ژەنان، ئەرێ پەی کۆمەڵگایێوی یەکسان و ئازادی