بەسەدان دانیشتووی ناوچەی تەل تەمر تەرمی شەهید ئەحمەد ئەلبیکەییر (دڵشێر)یان بە مەراسیمێک بەخاکسپارد کە لە بەرخۆدانی شەرەفدا شەهید ببوو.
هاوڵاتیان تەرمی شەهیدیان لە ئەنجومەنی خانەوادەی شەهیدان لە تەل تەمر وەرگرت و بەرەو گۆڕستان بەڕێکەوتن. لە گۆڕستان مەراسیمەکە بە دەقەیەک ڕێزگرتنی سەربازی دەستیپێکرد.
محەمەد سەعید شێخمووس ئەندامی بەڕێوەبەرایەتی پەیەدە سەرخۆشی لە بنەماڵەی شەهید کرد و وتی، "ئەم خاکە پیرۆزە بە خوێنی شەهیدان ئاودراوە و ئامانجی داگیرکەران بە خوێنی شەهیدان تێکدەچن.
هۆگر فەلەکە یەکێک لە فەرماندەکانی قەسەدە بەڵێنی تۆڵەکردنەوەی دا و وتی، "دوژمنی دڕندە گەلەکەمان دەکاتە ئامانج، لەدژی هێرشەکانیش لە چوارچێوەی پاراستنی ڕەوادا ئێمەش گەلەکەمان دەپارێزین. ئێمە بەڵێنمان داوەتە گەلەکەمان ئێمە دەبینە قەڵغان بۆ خاک و گەلەکەمان و گیانمان بەخت دەکەین. هەرچەندێک هێرش بەرامبەر گەلەکەمان بکرێت، ئێمە لە سەنگەری پێشەوەدا جێی خۆمان دەگرین. ئێمە ئیرادە لە شەهید و هەڤاڵە بەرخودێرەکانمان وەردەگرین.
باوکی شەهید ئەحمەد ئەلبەکیەر، عەبدوڵا ئەلبەکیەریش لە مەراسیمی کوڕەکەیدا وتی، "من بە کۆڕەکەم سەربەرزم کە بۆ باکوور و ڕۆژهەڵاتی سوریا بەرخۆدانی کرد. شەهیدەکانمان ڕیگاکەمان ڕۆناک دەکەنەوە.
دوای لێدوانەکان ناسنامەی شەهید خوێندرایەوە و تەرمەکەی ڕادەستی خانەوادەکەیان کرا.
دواتر شەهید ئەحمەد ئەلبیکەیەر بە هەلهەلەی دایکان بەخاکسپێردرا.
ف.ق