داگیرکەران لە جندرێس ٤ هاوڵاتی مەدەنیان ڕفاند
کردەوەی ڕفاندن، دەستدرێژی، دزی و تاڵان و کوشتن، لە لایەن سوپای داگیرکەری تورک و چەتەکانی لەبەرانبەر خەڵکی عەفرین بەردەوامە. لەو چوارچێوەیەدا لە ناوچەی جندرێس ٤ کەس ڕفێنران کە دووانیان ژنن.
سەرچاوە خۆجێیەکان باسی ئەوەیان کرد کە چەتەکانی ئەحرار ئەلشەرقیە، دوێنێ شەو لە ناوچەی جندرێسی عەفرین ٤ کەسیان ڕفاندووە کە دووانیان ژنن.
هەمان سەرچاوە ناوەی ئەو کەسانەی ئاشکرا کرد کە لەلایەن چەتەکانەوە ڕفێنراون کە ئەمانەن: محەمەد حەج یوسف بەهار، خالیدە شێخ، ئەمینە عەبدۆ و ئەحمەد حەج گولین.
تا ئێستا چارەنووسی ئەو ٤ کەسە نادیارە.
لە لایەکی ترەوە سوپای داگیرکەری تورک و چەتەکانی هەڵیانکوتایە سەر گوندەکانی باسوفان و ناوچەی شێراوا کە کوردە ئیزدیەکانی تێدا نیشتەجێن و ژمارەیەک کەسیان ڕفاند.
ف.ق
