لە مانگی ١١ی ٢٠٢٠وە دەوڵەتی تورکی داگیرکەر لە دەوروبەری عەین عیسا و بەتایبەتی لەسەر ڕێگای ئیم-٤ ی کانتۆنی کۆبانێ، لە گوندی خالدیە، مەلیک، هۆشان، مەشرفە و سەیدێ، پێنج بارەگای سەربازیان دروست کردووە، دەوڵەتی داگیرکەر هاوکات لەگەڵ زیاد کردنی هێرشەکانیان، دەستیان بە لێدانی خەندەق کردووە.

بەگوێرەی هەواڵێکی ئاژانسی هەواڵی هاوار، بەرامبەر بە ڕێگای ئیم-٤ سوپای داگیرکەری تورک بە درێژایی شەش کیلۆمەتر دەستیان بە هەڵکەندنی خەندەق کردووە و دەیانەوێت ڕێگای ئیم-٤ ببڕن.

بەگوێرەی زانیاریەکانی هەمان سەرچاوە دەوڵەتی داگیرکەر لەم ڕێگەیەوە دەیەوێت عەین عیسا گەمارۆ بدات و هاوکاتیش دەستی بە هەڵکۆڵینی خەندەق و ڕەوانەی کردنی چەکی قورس کردووە بۆ ئەو شوێنانە.

 لە ئەنجامی ئەو هێرشانەی کە لەو خاڵانەوە لە لایەن داگیرکەرانەوە کراون هەتا ئێستا بەلایەنی کەمەوە ١١ هاوڵاتی کوژراون و زیاتر لە ٢٠ کەسیش برینداربوون.

' سێراوای عەفرین تۆپباران دەکرێت'

لەم نێوانەدا لە کاتژمێر ١١:٥٠ خولەک بە کاتی هەرێمەکە دەورووبەری گوندی ئاقبێ و گوندی بێنێ-ی ناوچەی شێراوای عەفرین لە لایەن دەوڵەتی داگیرکەری تورکەوە تۆپباران دەکرێت.

لە کاتی تۆپبارانەکەدا فڕۆکەی سیخووری دەوڵەتی تورک بەسەر ناوچەکەدا دەسوورایەوە.

ک-ش