چەتەکانی فەیلەقی شام-ی سەربە سوپای داگیرکەری تورک ١٤ڕۆژ پێش ئیستا هاووڵاتیەکی تەمەن ٦٧ ساڵ-یان بەناوی شێخمووس قاسم مووستەفایان ڕفاندبوو. چەتەکان مووستەفایان لە گوندی مەیدان لکبێسێ ڕفاندبوو و دوای ١٤ رۆژ ئاشکرا بوو کە  لە ژێر ئەشکەنجە گیانی لەدەستداوە و تەرمەکەی ڕادەستی بنەماڵەی کراوەتەوە..

بە پێی ئەو زانیارییانەی کە سەرچاوە هەرێمییەکان ڕایانگەیاندووە چەتەکان پێوەندی تەلەفونی-یان بە بنەماڵەی مووستەفاوە کردووە و وتوویانە کە وەرن تەرمەکەی وەربگرنەوە.

بنەماڵەی ناوبراو ئەمڕۆ سەردانی بەندیخانەی ناوچەی ڕاجۆیان کرد و تەرمەکەیان وەرگرتەوە. ڕاگەیەنرا کە ئاسەواری ئەشکەنجە بە سەر جەستەی شێخمووس مووستەفای ٦٧سالانەوە دیاربووە.

ک-ش