بەپێی زانیارییەکان، بەرە بەیانی رۆژی پێنجەشەممە و لە کاتژمێر ٠٢:٣٠ دا دەوڵەتی تورکی داگیرکەر هێرشی کردە سەر گوندی سەیدا لە عەین عیسا.

شەڕڤانانی هێزەکانی سوریای دیمۆکراتیک (قەسەدە) وەڵامی هێرشەکەیان دایەوە و شەڕێکی توند دەستیپێکرد.

لە شەڕەکەدا گورز لە ئۆتۆمبێلێکی زرێپۆشی سەربازیی داگیرکەران درا و هێرشە داگیرکەرییەکەش تێکشکێنرا.

داگیرکەران، کە ناچار بوون بکشێنەوە بە هاوەن هێرشیان کردە سەر ناوەندی عەین عیسا و ڕێگای ئێم ٤.

هەروەها داگیرکەران لە دوای ئەو شکستەیان لە بەرەبەیاندا ناوچەى شەهبایان تۆپبارانکرد. هێرشەکە بۆ سەر گوندی زوان و بەنداوی شەهبا بوو. هێرشەکە تاوەکو کاتژمێر ٠٧:٠٠ی بەیانی بە کاتی ناوچەکە بەردەوام بوو.

ژ.ت