لە شاری کۆبانێ رۆژئاوای کوردستان لەدژی گۆشەگیری رەهای سەر بە عەبدوڵلا ئۆجالان ڕێبەری گەلی کورد، ڕێپێوانێک ئەنجامدرا. جەماوەر بە دروشمی ' لەدژی گۆشەگیری، خیانەت و داگیرکەری وەرن بۆ جەنگی ئازادی' دەستیان بە رێپێوان کرد. رێپێوانەکە تاوەکو ناوچەی قەنەی بەردەوام بوو. لە رێپێوانەکەدا ئاڵا و وێنەی عەبدوڵلا ئۆجالان ڕێبەری گەلی کورد بەرزکرایەوە.

رێپێوانەکە لە کۆڵانی سەرەکی ناوچەکە بۆ میتینگ گۆڕا و لەوێ هیلال عەلی ئەندامی بەڕێوەبەری کۆمیتەی پاراستنی تەڤگەری گەنجانی شۆڕشگێری رۆژئاوای کۆبانێ قسەی کرد و گۆشەگیری سەر عەبدوڵلا ئۆجالان رێبەری گەلی کورد شەرمەزار کرد.

هیلال رایگەیاند کە دەسەڵاتی تورک لە دورخستنی گەل لەگەڵ عەبدوڵلا ئۆجالان رێبەری گەلی کورد سەرنەکەوت و گەل بەردەوامە لەسەر جێبەجێکردنی هزر و فەلسەفەی رێبەر ئۆجالان و وتی، " گەلی کورد بۆ ئازادی دەستەیی عەبدوڵلا ئۆجالان رێبەری گەلی کورد بەردەوامە لە خەبات و بەرخۆدان.

میتینگەکە بە دروشمی بژی رێبەری ئاپۆ و بژی بەرخۆدانی ئیمڕالی کۆتایی هات.

ف.ق