ڕێپێوانی درێژمەودای گەنجانی کورد لە ئەوروپا، کە هەموو ساڵێک بۆ ئازادیی ڕێبەری گەلی کورد عەبدوڵا ئۆجالان بەڕێوەدەچێت، لە ٨ی ئەیلول/ ١٧ی خەرمانان لە شاری بۆن-ی ئەڵمانیا دەستپێدەکات. ڕێپێوانەکە ٥ ڕۆژ بەردەوام دەبێت. گەنجان دوای ئەوەی بە شارەکانی کۆڵن، لێڤەرکۆسن و چەندین شاری دیکە تێپەڕین لە شاری گلادباخ کۆتایی بە ڕێپێوانەکەیان دەهێنن.

کۆمیتەی ئامادەکار ڕایگەیاند، لە ٨ی ئەیلولدا گەنجانی وڵاتپارێز و ئەنتەرناسیۆنالیست، لە چوارلای ئەوروپا دەڕۆن بۆ شاری بۆن و لەوێ کۆدەبنەوە.

لە ڕاگەیاندراوەکەدە ئاماژە بەوەکراوە، ئامادەکارییەکان بۆ ڕێپێوانی درێژمەودا کۆتایی هاتووە و وتیان: "بانگەوازمان بۆ گەنجانی کورد، ئەنتەرناسیۆنالیست و گەلە وڵاتپارێزەکەمان ئەوەیە بەشداری لە ڕێپێوانی درێژمەودا بکەن و فاشیزم لەناو ببەن".

لە ڕاگەیاندراوەکەدا ئەوەش هاتووە: "دەوڵەتی تورکی داگیرکەر و فاشیزمی ئاکەپە – مەهەپە ئامادەکاریی دەکەن بۆ ئەوەی لە کوردستان قڕکردنێکی تازە ئەنجام بدەن، بۆ ئەوەش بەردەوامی بە گۆشەگیریی دەدەن. بە بەرخۆدانێکی مێژوویی و قوربانی قورس گۆشەگیری تێکشکێنرا، بەڵام فاشیزمی ئاکەپە – مەهەپە بە کردەوەی میزاجی هێشتا بەربەست لەبەردەم دیدارەکانی ڕێبەر ئاپۆ لەگەڵ پارێزەر و بنەماڵەکەی دروستدەکات".

ئاماژە بەوەشکراوە "گەنجانی کورد بۆ ئازادیی فیزیکیی ڕێبەر ئاپۆ ٥ ڕۆژ ڕێپێوان دەکەن. لەسەر ڕێبازی ئومێدەکان، زولکوفەکان، ئایتەنەکان و ئۆغورەکاندا گەنجانی کورد ڕێپێوان دەکەن بۆ هێنانەدیی خەونەکەیان، کە 'ڕێبەرایەتی ئازاد و کوردستانی ئازاد'ە تێکۆشانی خۆمان بەردەوام دەکەین. بانگەوازمان بۆ گەنجانی وڵاتپارێز، شۆڕشگێڕ و ئەنتەرناسیۆنالیست لە ئەوروپا ئەوەیە بە ڕۆحی ئامادەباشی بەشداری ڕێپێوانی درێژمەودا ببن، کە بە دروشمی 'لەگەڵ ڕێبەرایەتی بڕۆ، داگیرکاریی لەناو ببە' بەڕێوەدەچێت".

ژ.ت