یەکینەکە لە راگەیێندراوێکدا رایگەیاند:" ١٧ی گوڵان درەنگانی شەو لە گەڕەکی کاراگوزلەری سەر بە ناوچەی فەتحیەی شاری موغلا لە دژی ناوەندێکی هاوکارانی ئاکەپە/مەهەپە چالاکیەکمان ئەنجامدا و لە ئەنجامی چالاکیەکەدا ناوەندەکەی رژێمی فاشیست بە تەواوەتی رووخێندرا.
١٨ی گوڵانیش لە ناوچەی سەیدی کەمەری موغلا زەویەکی ٤ دونمی دەخلودانی کەسێکی فاشیستی ئەندامی ئاکەپە، سووتێندرا، ئەندامەکانمان ئەم چالاکیەیان کردە وڵامێک بۆ سووتاندنی دەخلودانی "خەلکی رۆژئاوای کوردستان"، بە دەستی داعش و ئەندامەکانی ئاکەپە/مەهەپە.
ئەندامەکانمان لە ١٦ی گوڵاندا لەسەر رێگای دەنیزلی- ئیزمیر لە دژی بەنزینخانەی کەسێکی فاشیست چالاکیەکیان ئەنجامدا. لە ئەنجامی ئەو چالاکیەشدا بەشی کافتریای بەنزینخانەکە بە تەواوەتی سووتا و بەنزینخانەکەش کەوتووەتە بارودۆخێکی وەها کە بەکار ناهێنرێت."
یەپەسە هاوکات لە راگەیێندراوەکەیدا ئاماژەی بەوەش کرد کە لە دژی زوڵم و زۆرداریی و هێرشەکانی دەوڵەتی فاشیستی تورک لە کوردستان، ئەوانیش لە شارە گەورەکانی تورکیا بەو گورزانەی دەیوەشێنن، وڵام دەدەنەوە و هۆشداریشیان دایە جاسوس و نۆکەرانی دەوڵەتیش کە هەر هێرشێک لە بەرامبەر گەلی کورد و تێکۆشانی ئازادی ئەنجام بدەن، رووبەرووی سزایەکی توند و چالاکیەکانیان دەبنەوە.
ز.ش