دەستپێشخەریی دایکانی ئاشتی ئەستەنبوڵ لەبارەی بەیاننامەی ئاشتی هەدەپە کە ١ی ئەیلول ئاشکرای کرد لە بارەگای خۆی لە فاتیح کۆنفڕانسێکی ڕؤژنامەنووسی ئەنجامدا. کۆنفڕانسەکە بە کوردی لە لایەن دایکی ئاشتی بەدیحە گۆککوز و بە تورکی لەلایەن پەریخان ئاکبولوتەوە پێشکەشکرا.

'سەرچاوەی هەموو کێشەکانە'

لە راگەیەنراوەکەدا باسی ئەوەکرا کە بەهۆی چارەسەرنەکردنی کێشەی کوردەوە بەدەیان هەزار کەس بەهۆی شەڕەوە گیانیان لەدەستداوە و بۆیەش بۆ ڕاگرتنی شەڕ ئێمە ئامادەین هەموو شتێک بکەین.

دایکانی ئاشتی ئەوەیان خستەڕوو کە کێشەکان لە وڵات هەمووی بەهۆی چارەسەرنەکردنی کێشەی کوردەوەیە و کێشەکان بە گۆشەگیری سەر عەبدوڵلا ئۆجالان ڕێبەری گەلی کورد قات بە قات زیادیان کردووە.

لە ڕاگەیەنراوەکەدا باسی ئەوەشکرا کە بۆ چارەسەری پێویستە گۆشەگیری هەڵبگیرێت و بارودۆخی دانوستان بڕەخسێنرێت.

دەستپێشخەریەکە ڕاشیگەیاند کە گۆشگەیری گەورەترین ئاستەنگە لە بەرانبەر ئاشتی و بۆئەوەی هەوڵی ئاشتی هەدەپە سەربکەوێت پێویستە هەموو کەسێک پشتگیری ئەو هەوڵە بکات.

ف.ق