دوێنێ چوارشەممە هێزەکانی حەشدی شەعبی، بۆ پاککردنەوەی ناوچەکانی باشووری پارێزگای سەڵاحەدین لە چەکدارانی داعش، قۆناغی شەشەمی ئۆپراسێۆنی (تۆڵەی رۆژوگرانیان) دەستپێکرد.

لە بەیاننامەکەی حەشدی شەعبیدا هاتووە: "هێزەکانی کەتیبەی چواری جەنگاوەری لیوای ٤١ و ٤٢ و ٤٣ ئۆپراسێۆنێکیان دەستپێکرد لەبەرەبەیانی ئەمڕۆ بەناوی ئۆپراسێۆنی (تۆڵەی رۆژوگران)کە ئەم ئۆپراسێۆنە قۆناغی شەشەمی ئۆپراسێۆنەکەیە".

حەشدی شەعبی ڕاشیگەیاند: "ئۆپراسێۆنەکە لە سێ میحورەوە دەستیپێکردووە بۆ پاککردنەوەی باشووری پاریزگای سەڵاحەدین بەروە رۆژئاوای پارێزگاکە."

هەروەها فەرماندەی پۆلیسی پارێزگای سەڵاحەدین، دوێنێ سێشەممە کوژرانی ٤ ئەندامی داعشی لە باکوری قەزای بێجی ڕاگەیاند.

ژ.ت