له‌ پاریس چالاكییه‌ك بۆ حه‌سكیف ئه‌نجام درا

تاڵانكردنی شوێنه‌واری حه‌سكیف له‌ لایه‌ن ده‌وڵه‌تی توركه‌وه‌، له‌ لایه‌ن گرووپێكی چالاكانی پاریسی پایته‌ختی فه‌ڕه‌نسا ئیدانه‌ كرا.

له‌ دژی له‌ناوبردنی شوێنه‌واری هه‌زاران ساڵه‌ی حه‌سكیف-ی باكووری كوردستان له‌ لایه‌ن ده‌وڵه‌تی توركه‌وه‌، له‌ پاریس چالاكییه‌كی ئیدانه‌كردن به‌ڕێوه‌چوو.

گرووپێكی چالاكان چوونه‌ به‌رده‌م ناوه‌ندی یونسكۆ. دواتر له‌گه‌ڵ كاربه‌ده‌ستانی ناوه‌نده‌كه‌ كۆبوونه‌وه‌ و باسی حه‌سكیف-یان كرد كه‌ بڕیاره‌ ١٠ی حوزه‌یران\٢٠ی جۆزه‌ردان به‌هۆی دروستكردنی به‌نداو ژێرئاو بكه‌وێت. چالاكان ئاماژه‌یان بۆ ئه‌وه‌ كرد، پێویسته‌ یونسكۆ ڕێگری له‌ له‌ناوبردنی ئه‌م شوێنه‌واره‌ مێژووییه‌ بكات.

s.m