مەراسیمى یادکردنەوەکە لەلایەن کۆمسیۆنی بنەماڵەى شەهیدان لە شاری فرایبورگ و ئەنجوومەنى ژنانی نودا رێکخرابوو. مەراسیمەکە بە ئامادەبوونی ٣٠٠ کەس و لە ناوەندی کۆمەڵگەى دیموکراتیکى کورد بەڕێوەچوو.

لە دواى خولەکێک رێزگرتن بۆ یادی شەهیدانى تێکۆشانى ئازادی، ساڵح هەزەخی بە ناوی کۆمیتەى ئامادەکار و وتەبێژی کۆمسیۆنی بنەماڵەى شەهیدان لە فرایبورگ وتەیەکى پێشکەشکرد.

 دواتر دایکى شەنگێ هاوسەرۆکی (KOMAW) وتەیەکى پێشکەشکرد و رایگەیاند "لە سایەی هەزاران قارەمانی بێ ناوەوە تێکۆشان گەیشتووەتە ئەم ئاستەى ئێستا. ئەگەر ئێمە دەمانەوێت خاوەنداری لەو شەهیدانە بکەین ئەوا دەبێت ئێمە بە ئەرک و بەرپرسیاریتییەکانمان هەستین".

شەنگێ راشیگەیاند "ئەگەر ئێمە کارەکانمان بە باشی ئەنجام بدەین، ئەوا تێکۆشانی ئازادیش زووتر سەردەکەوێت. گەورەترین سوێند و بەڵێن کە بە شەهیدانمان داوە، سۆز و بەڵێنی سەرخستنى ئەم ئامانجەیە. من وەک دایکێک تاوەکو دوا هەناسەم بۆ ئەمە تێدەکۆشم".

دواى تەواوبوونی وتەکانى دایکى شەنگێ، بەشدارانى مەراسیمەکە گفتوگۆیان لەسەر گرنگیى ئەو یادە و ئەو رۆژە و پێشهات و رووداوەکانى ئەمدواییە کرد. لە کۆتایدا خواردنى خێر بەسەر ئامادەبواندا دابەشکرا.

ر.م