لە بریمینی ئەڵمانیا بە میتینگێک ٧مین ساڵی فەرمانی ٧٤ کە ٣ی ئابی ٢٠١٤ لە لایەن داعشەوە لە شەنگال ئەنجامدرا شەرمەزارکرا.

لە میتینگەکەدا وێنەی ئەو کوردانەی لە لایەن چەتەکانی داعشەوە ڕفێنراون و زانیاریان لەسەر نازانرێت بەرزکرانەوە.

لە قسەکردنەکاندا باسی ئەوەکرا کە گەلی کورد ئەمڕۆ لە سایەی شەهیدەکان گەیشتووەتە ئەم قۆناغە.

هەروەها ئاماژە بەوەکرا، شۆڕشی ڕۆژئاوا تا پێشکەوتنی سیاسی لە باکووری کوردستان و دەستکەوتەکانی گەلی کورد بە خوێنی شەهیدان بەدەستهێنراوە و بۆ پاراستنی ئەو دەستکەوتانەش پێویستی بە زیادکردنی تێکۆشان هەیە و گەلی کورد لە چوار پارچەی کوردستان لە قۆناغی تێکۆشاندایە.

تەئکید لەوە کرایەوە کە پێویستە کورد و دۆستەکانیان لە ئەوروپا بەپێی ڕۆحی قۆناغەکە بجووڵێنەوە.

میتینگەکە بە قسەکردنی خزمانی شەهیدان بەردەوام بوو و بە دروشمی شەهید نامرن کۆتایی هات.

ف.ق