لە ناوەندی چاند و هونەری کامپی شەهید ڕۆستەم جودی مەخموور، بە ئامادەبوونی ژمارەیەکی زۆرلە دانیشووانی مەخموور یادی ٣٥ ساڵەی دەستپێکردنی شەڕی چەکداری پارتی کرێکارانی کوردستان- پەکەکە، کە لە ١٥ی تەباخی ١٩٨٤ دەستیپێکرد، پیرۆزکرا.

لە مەراسیمەکەدا وێنەکانی  ڕێبەری گەلی کورد عەبدوڵا ئۆجالان، فەرماندە عەگید (مەعسوم کۆرکماز- فەرمادەی هەڵمەتی ١٥ی تەباخ، ساکینە جانسز، مام زەکی، ئاڵاکانی پەکەکە، کەجەکە، پاژک، کەژەکە، یەپەگە، یەپەژە بەرزکرانەوە .

مەراسیمەکە بە خولەکێک ڕێزگرتن بۆ یادی شەهیدان دەستیپێکرد و فلیز بوداک، هاوسەرۆکی ئەنجومەنی گەلی مەخموور دوای پیرۆزبایی ١٥ی تەباخ وتی: ساڵی ١٩٨٤ بە پێشەنگایەتی فەرماندەی نەمر مەعسوم کۆرکماز (عەگید) یەکەم فیشەک بەرەو سەنگەرەکانی دەوڵەتی تورک تەقێندرا، بەمەش گەلی کورد وریا بوونەوە و هەنگاوی شەڕی گەریلایی دەستیپێکرد و تا ئێستا بەردەوامە، تا قارەمانەکانی وەک عەگید هەبن، تێکۆشانی گەلی کورد گەورەتر و بەهێزتر دەبێت.

لە بەردەوامی مەراسیمەکەدا گروپی هونەری و موسیقای "کەوانی زێڕین، تەڤ-چاند، نودەم پەنابەر و زاگروس" کارە هونەرییەکانیان پێشکەشکرد، هونەرمەندان "بەرماڵ چەم و ئەدیپ"یش گۆرانییان وتەوە و مەراسیمەکە بە شایی و هەڵپەڕکی تا درەنگانی شەو بەردەوام بوو.

ک-ش