بەپێی ڕاگەیەنراوی، فەرماندەیی هاوبەشی تەڤگەری شۆڕشگێڕی یەکگرتنی گەلان ، دەر بارەی چالاکیی گەریلاکانیان لە گیرەسوون و گوموشهانە، ڕاگەیەندراوێکی بڵاوکردەوە.
لە ڕاگەیەنراوەکەدا دەستنیسان کراوە کە لەو چالاکییەدا ٤ سەربازی سوپای تورکیا کوژران.
لە ڕاگەیەندراوەکەدا هاتووە: هێزە هاوبەشەکان ڕۆژی ٧ی تەمووز/١٦ی پووشپەر لە شارۆچکەی کورتونی سەربە گوموشهانە لەدژی هێزێکی سوپای تورک چالاکییان ئەنجامداوە، لەو چالاکییەدا ژمارەیەک سەربازی دوژمن کوژراون و برینداربوون.
لە بەردەوامیی ڕاگەیەندراوەکەدا هاتووە: سوپای تورکیا ڕۆژی ٨ی تەموز/١٧ی پووشپەر لە شارۆچکەی گوجەی سەربە گیرەسوون ئۆپەراسیۆنێکی دەستپێکرد، دوێنێ کاتژمێر ٠٥:٣٠ خولەکی سەرلەبەیانی لەدژی ئەو ئۆپەراسیۆنە چالاکییەک ئەنجامدر، لە ئەنجامیدا چوار سەرباز کوژران و دوانی دیکەش برینداربوون.
ک-ش